Vaidyakasaroddhara 2.p32

2.p32

dhātrīrasena vā peṣyaṃ vaṭikāṃ kārayedbhiṣak | badarāsthipramāṇene, vaṭikāṃ kuru yatnataḥ || śrīmadgahananāthena vicintya parinirmmitaḥ | sūryyavattejasā cāyaṃ, rasonṛpativallabhaḥ || aṣṭādaśavaṭī khādet, pavitraḥ sūryyadarśakaḥ | hanti mandānalaṃ sarvvamāmadoṣaṃ visūcikāṃ || plīhagulmodarānāha, yakṛtpāṇḍūhalīmaka | hṛtśūlaṃ kaṇṭhaśūlañca, cakṣuḥśūlañca kāmala || śiraḥśūlaṃ kaṭiśūlamānāhamaṣṭhaśūlakaṃ | kāsaṃ śvāsaṃ vami hikkāṃ, ślīpadaṃ śothamarbudaṃ || galagaṇḍaṃ gaṇḍamālāmamlapittañca dāruṇa | kṛmi kuṣṭhān nihantyāśu, vātaraktaṃ bhagandaraṃ || upadaṃśamatisāraṃ grahaṇyārśaḥ pramehakaṃ | aśmarī mūtrakṛcchrañca mūtrāghātān trayodaśa || jīrṇajvaraṃ jvaraṃ ghoraṃ tandrālasya kṛmi ( vami ) bhramaṃ | dāhavidradhihikkāñca, jar̤agadgadamūkatāṃ || bādhiryyaṃ svarabhedañca, bradhnavṛddhivisarpakān | ūrustambhaṃ raktapittaṃ, gudabhraṃsārucitṛṣaṃ || karṇanāsāmukhotthāṃśca, dantarogañca pīnasaṃ | sthaulañca śa tapittañca, sthāvarāṇi viṣāṇi ca || vātapittakaphotthāṃśca dvandvajān sannipātikān | sarvvarogāpahaṃ khyātaṃ caṇḍāṃśuriva pāpahā || balavarṇakarohyadya, āyuṣyo vīryyavarddhanaḥ | paraṃ vājīkaraḥ śreṣṭhaḥ, paṭudo mantrasiddhidaḥ || arogī dīrghajīvī syād rogī rogādvimucyate | rasasyāsya prasādena buddhimān jāyate naraḥ