Vaidyakasaroddhara 2.p43

2.p43

kāmeśvaramodakaḥ samyak‌māritamabhrakaṃ kaṭphalaṃ kuṣṭhāśvagandhāmṛtā ; methī-mocaraso vidārī-muṣalī-gokṣurakaḥ kṣīrakaḥ | bhīruścaiva kaserukaṃ yamanikā tālāraṅkura dhānyakaṃ, yaṣṭināgavalā, tilāmadhurikā jātiphalaṃ saindhavaṃ || bhāgī karkaṭaśṛṅgaka trikaṭukaṃ jīradvaya' citrakaṃ | cāturthyāta-punarṇavā-gajakaṇā drākṣāśaṭhī-vāsakaṃ | śālmalyāsthi, phalatrikaṃ, kapibhavabīja samaṃ cūrṇayet, cūrṇāṃśāvijayā mitā dviguṇitāmadhvājya miśraṃ tataḥ || karṣārddhaṃ guḍikā'tha karṣamathavā sevyā sadā sarvvadā | peyā kṣīraśītāmbuvīryyakaraṇe svasthye'pyalaṃ kāmināṃ || rāmāvaśyakaraḥ sukhātisukhadaḥ pror̤hāṅganādrāvakaḥ | kṣīṇe puṣṭikakaraḥ kṣayaṃ kṣayaharo nānābhayadhvaṃsakaḥ| kāsaśvāsamahātisāraśamano mandānaloddīpanaḥ | durnāma grahaṇīharaḥ kharakaraḥ, pittapramehāpahaḥ || nityānandakaro viśeṣa kavitāvācāṃ vilāsottaraiḥ, dhatte sarvvaguṇaṃ mahā-sthira-yaśo dhyānāvadhāne'pyalaṃ | abhyāsena nihanti mṛtyu-palita-kāmeśvaro vatsarāṭ || vṛddhānāṃ madanodayo dayakaraḥ praur̤hāṅganāsaṅgame || siddho'yaṃ samadṛṣṭipratyayakaraḥ bhūpaiḥ sadā sevyane | dṛṣṭaḥ siddhaphalo rasāyanarasaḥ kāmeśvaro durlabhaḥ