Hridayapriya 5
Hṛdayapriyā 5
- Language
- Sanskrit
Contents
- 5.65 — 2 parts
5.56
dīpanaṃ rocanaṃ madyaṃ tīkṣṇoṣṇaṃ tuṣṭipuṣṭidam
sasvādutiktakaṭukamamlapākarasaṃ saram
5.57
sakaṣāyaṃ svarārogyapratibhāvarṇakṛllaghu
naṣṭanidrātinidrebhyo hitaṃ pittāsradūṣaṇam
5.58
kṛśasthūlahitaṃ sūkṣmaṃ rūkṣaṃ srotoviśodhanam
vātaśleṣmaharaṃ yuktyā pītaṃ viṣavadanyathā
5.59
mṛdvīkāśarkarādīnāṃ yoge tattadguṇānvayāt
vidyād bahuvidhaṃ bhedaṃ tasminyuktyaiva buddhimān
5.60
raktapittakaphonkledi śuktaṃ vātānulomanam
vidāhi bhṛśatīkṣṇoṣṇaṃ hṛdyaṃ rucikaraṃ saram
5.61
dhānyāmlaṃ bhedi tīkṣṇoṣṇaṃ pittakṛt sparśaśītalam
śramaklamaharaṃ rucyaṃ dīpanaṃ vastiśūlanut
5.62
śastamāsthāpane hṛdyaṃ laghu vātakaphāpaham
mūtraṃ go'jāvimahiṣīgajāśvoṣṭrakharodbhavam
5.63
pittalaṃ rūkṣatīkṣṇoṣṇaṃ lavaṇānurasaṃ kaṭu
kṛmiśophodarānāhaśūlapāṇḍukaphānilān
5.64
gulmāruciviṣaśvitrakuṣṭhārśāṃsi jayellaghu
vrīhidravairdeśakadeśo'yaṃ yathāsthūlamudāhṛtaḥ
5.65
samīritā dravyaguṇāssamāsādyogena pākena ca te vibhinnāḥ
nighnanti rogān vividhāṃśca tasmādantarbahiryuktivaśāt prayojyāḥ
5.65.p1
iti madyādivargaḥ
5.65.p2
iti hṛdayapriye prathamakhaṇḍe śālyādikalpaṃ nāma dvitīyo'dhyāyaḥ
Linked texts (10)
- Aṣṭāṅgahṛdayasaṃhitā — Vāgbhaṭa, Sanskrit
- Aṣṭāṅgasaṃgraha — Vāgbhaṭa, Sanskrit
- Vāgbhaṭasaṃhitā — Vāgbhaṭa, Sanskrit
- Āyurvedamahodadhi (Annapānavidhi section) — Suṣeṇa 1622, Sanskrit
- Āyurvedasaukhya — Ṭoḍaramalla 1565, Sanskrit
- Bhāvasvabhāva — Mādhavadeva 1688, Sanskrit
- Annapānavidhi — Suṣeṇa, Sanskrit
- Bhojanakutūhala — Raghunātha, Sanskrit
- Bhojanakutūhala — Raghunātha Miśra, Sanskrit
- Dravyaguṇasaṃgraha — Cakrapāṇidatta, Sanskrit