Ravanatantra 1.11

Rāvaṇatantra 1.11

Language: Sanskrit

1.11

ekādaśe divase māse varṣe vā yadi gṛhṇāti pilipicchikā nāma mātṛkā; tayā gṛhītamātreṇa prathamaṃ
bhavati jvaraḥ | āhāraṃ na gṛhṇāti | ūrdhvadṛṣṭirbhavati
gātrabhaṃgo bhavati || baliṃ tasya pravakṣyāmi yena saṃpadyate śubham | piṣṭakena puttalikāṃ kṛtvā raktacandanaṃ
raktaṃ ca tasyā mukhaṃ dugdhena siñcet | pītapuṣpaṃ gandhatāṃbūlaṃ saptapītadhvajāḥ saptapradīpāḥ aṣṭau vaṭakāḥ
aṣṭau śaṣkulikāḥ aṣṭau pūrikāḥ matsyamāṃsaṃ surā
pūrvasyāṃ diśi balirdātavyaḥ śāṃtyudakena sthānam
śivanirmālyaguggulugośṛṅgasarpanirmokaghṛtairdhūpayet
oṃ namo nārāyaṇāya muñca muñca svāhā | caturthadivase
brāhmaṇaṃ bhojayet tataḥ sustho bhavati bālakaḥ

Previous: 1.10
Next: 1.12
Up: 1

Linked texts (1)

Cakradatta (Cikitsāsaṅgraha) — Cakrapāṇidatta, Sanskrit