Ravanatantra 1.8

Rāvaṇatantra 1.8

Language: Sanskrit

1.8

aṣṭame divase māse varṣe vā yadi gṛhṇāti aryyakā
nāma mātṛkā, tayā gṛhītamātreṇa prathamaṃ bhavati jvaraḥ
gṛdhragandhaḥ pūtigandhaśca jāyate āhāraṃ ca na gṛhṇāti
udvejayati gātrāṇi | baliṃ tasya pravakṣyāmi yena
sampadyate śubham | raktapītadhvajāḥ candanaṃ puṣpaṃ
śaṣkulyaḥ parpaṭikāḥ matsyamāṃsaṃ surā jambūdikāḥ
pratyūṣe balirdeyaḥ grāmāntare| maṃtraḥ oṃ namo nārāyaṇāya
caturdiśamokṣaṇāya vyādhiṃ hana hana muñca muñca daha daha
oṃ hrīṃ phaṭ svāhā | caturthadivase brāhmaṇaṃ bhojayet
tataḥ sampadyate śubham

Previous: 1.7
Next: 1.9
Up: 1

Linked texts (1)

Cakradatta (Cikitsāsaṅgraha) — Cakrapāṇidatta, Sanskrit