AYURVEDIYAPARIBHAShA 4.12
ĀYURVEDĪYAPARIBHĀṢĀ 4.12
- Language
- Sanskrit
4.12
ityevamekadvitridravadravyeṣu caturgugatvanyūne snehasādhanapratiṣedhārthaṃ 'snehāccaturguṇo drava' iti suśrutaḥ, 'snehāttoyaṃ caturguṇami'ti dṛḍhabala uktavān
na tu pañcaprabhṛtidraveṣu caturguṇādhikye pratiṣedhārtham | tatra 'bhāgepyanukte
samatā vidheye'ti paribhāṣayā snehasamatvaṃ pratyekamiti | athaivañcettarhi yatra
kṣīramekameva dravaṃ tatra kṣīrameva caturguṇaṃ bhavati, bhavatu | yatra tu kṣīrañcāparañca dravamekaṃ dvayaṃ vā tatra kiṃ kṣīreṇa sahāpareṇaikena draveṇa cāturguṇyaṃ karttavye
samatā kṣīrāpayoḥ karttavyā ? tathātve kṣīraṃ dviguṇaṃ dravāntarañca dviguṇaṃ
bhavati | kṣīreṇa saha cāparayoścāturguṇya ca kiṃ samatā karttavyā ? tatra
trayāṇāṃ cāturguṇye kṛte pratyekaṃ samatvamiti