Rasavaisheshikasutra 4.73
Rasavaiśeṣikasūtra 4.73
- Language
- Sanskrit
4.73
evamārogyaśāstrasya vyākhyānaṃ pratijñāya tatrādhikṛtamukhyaprayojanārogyanirvartaka sādhanavyājena sakalaśāstraṃ parīkṣitam | mukhyaprayojanasyārogyasyāntarāyakarāṇāṃ rogāṇāṃ pratiṣedhopāyadarśanāya pādacatuṣṭayaṃ coktvā taccatuṣṭayanirvartitārogyasādhyaṃ pūrvoktacāturvidhyaṃ parigṛhītaṃ phalākhyam | tasya siddhiḥ kathaṃ bhavatīti
pradarśayannāha —
karmaṇaśca siddhau sarvārthasiddhiḥ
4.73.p1
iti bhadantanāgārjunasya pravrajitasya vaidyendrasya
rasavaiśeṣikasūtrasya narasiṃhakṛtaṃ bhāṣyaṃ
samāptam
idamiha kṛtabhāṣyaṃ vārttikaṃ tantrasāraṃ
munivaramatibhedāddṛṣṭaśāstrasya tasya
tadadhigamasamīhā sambhṛtā puṇyaleśād
bhavatu jagati cittaṃ prāṇināṃ śāntibījam
mātsaryamānapratipakṣabhūtaṃ
jñānaṃ munīnāṃ mahatāṃ yathārtham
tatprāpya kuryādiha kaḥ prasannaṃ
mātsaryapaṅkākulamātmacittam
tasmād vihāyonnatimātmasaṃsthāṃ
sarvatra vācaḥ padavī parīkṣya
saṃprāpyate yatparamārthasiddhirbālābhilāpeṣvapi tattvavidbhiḥ
ātreyādibhyo namaḥ
śubhaṃ bhūyāt
Commentaries (1)
- Rasavaiśeṣikasūtraṭīkā — Narasiṃha, Sanskrit