Tantrayukti 1.p4

1.p4

29) samuccayo nāma yathā peyāṃ vilepīmakṛtaṃ kṛtaṃ ca yūṣaṃ rasaṃ ca samuccinoti tathā - trīnubhaya tathaikam . krameṇa seveta naro'nnakālān pradhānamadhyāvaraśuddhiśuddhaḥ.. iti.
30) nidarśanaṃ nāma- yannidarśayitavyaṃ sūkṣmamapyarthaṃ svadharmasādṛśayāt . spaṣṭīkarotyādarśa iva mukhavidhum . yathoktaṃ- yathā kusumbhādiyutāttoyādrāgaṃ haretpaṭaḥ. tathā dravīkṛtāt dehād bastirnirharate malān .. ityādi .
31) nirvacanaṃ nāma - nirṇayārthaṃ vacanaṃ niruktam. yathoktaṃ viṣavidhāne mathyamāne jalanidhāvamṛtārthaṃ surāsuraiḥ.. iti . yāvat viṣasya nirvacanaṃ jagadviṣamiti .
32) niyogo nāma- yo yasyānuṣṭheyaḥ. yathā - uṣṇodakopacārī syāt ityādi .
33) vikalpo nāma - vividhaṃ kalpanam idaṃ kāryamidaṃ vā kāryam. yathoktaṃ pūrvarūpadarśane jvarādau vā hitaṃ laghvaśanamapatarpaṇam vā .
34) pratyutsāro nāma - yatropapattiṃ darśayantaḥ parasparamatāni nivārayanti . tadyathā - asthnāṃ śatāni ṣaṣṭhiśca trīṇi dantanakhaiḥ saha. dhanvantaristu trīṇyāha sandhīnāṃ ca śatadvayam..daśottaraṃ sahasre dve nijagādātrinandanaḥ. iti pūrvamatāt ṣaṣṭhiṃ pratyutsārayati. dhanvantarerapi mataṃ daśottaraṃ sandhiśatadvayamiti punarvasuḥ pratyutsārayati ṛ codyasya samādhanam. tadyathā- dṛśyante bhagavān kecidātmavanto'pi rogiṇaḥ. yāvat hitāhitāvibhāgasya phalaṃ tasmādaniścitam. iti kṛte codye- na cikitsā'cikitsā ca tulyā bhaviturmahati iti pariharaḥ..
35) udvāro nāma śāstrārambhapratyākhyānādi codyasya samādhānam. tadyathā -dṛśyante bhagavan kecidātmavanto'pi rogiṇaḥ. yāvat hitāhitavibhāgasya phalaṃ tasmādaniścitam . iti kṛte codye- na cikitsā'cikitsā ca tulyā bhavitumarhati iti parihāraḥ .
36- sambhavo nāma- upapattiryasminnupapadyate anupadiṣṭe. yathā - duṣṭaraktāpagamanāt sadyo rāgarujāṃ śamaḥ.ityuktam.pracchānālabujalaukāśṛṅgasirāvyadhairyathasambhavaṃ raktamapanīyate. yathoktaṃ- pracchānenaikadeśasthaṃ grathitaṃ jalajanmabhiḥ. harecchṛṅgādibhiḥ suptamasṛgvyāpi sirāvyadhaiḥ. iti evamanyatrāpi sambhavārtho yojyaḥ.