Tantrayukti 3.63
Tantrayukti 3.63
- Language
- Sanskrit
3.63
vyākhyānamāha- tantre ityādi. tantre śāstre. atiśayasya atiriktasyārthasya upavarṇanaṃ khyāpanaṃ vyākhyānam. ‘tatrātiśaya’ iti pāṭhe tatreti nirdhāraṇe. udāharaṇamāha- yathā ihetyādi. pañcaviṃśatikaḥ puruṣa iti pañcaviṃśatitama ityarthaḥ, avyaktādīnāmaṣṭānāṃ prakṛtivikāraiḥ ṣoḍaśabhiḥ saha caturviśatitvāt. puruṣa iti kṣetrajñaḥ. svamatamabhidhāya paramatamāha- anyeṣvāyurvedatantreṣvityādi. bhūtādistāmaso'haṅkāraḥ ; etena bhūtādimahaṅkāramārabhyānyāyurvedatantreṣu cintā natvavyaktamārabhyeti..33..
Commentaries (1)
- Vivaraṇa on the Tantrayukti (Nīlamegha alias Vaidyanātha) — Nīlamegha alias Vaidyanātha, Sanskrit