Tantrayuktivicara 20_84

20_84

sthānataḥ kecidicchanti prāk tāvacchleṣmaṇo vadham .
śirasyurasi kaṇṭhe ca pralipte'nnaruciḥ kutaḥ ..
tadabhāve kathaṃ bhojyapeyadravyāvacāraṇam.
asatyabhyavahāre ca kuto doṣavinigrahaḥ ..
tasmādādau kaphe ghātyaḥ kāyadvārārlalo hi saḥ .
madhyasthāyi yataḥ pittamāśukāri ca cintyate ..
ato vāyusakhasyāsya kuryāt tadanu nigraham .
ata eva ca pittādiḥ kapho'nyaiḥ kramaḥ smṛtaḥ..
suśrutasya na sarvatra matametad bravīmi tu .
jayejjvare'tisāre ca kramāt pittakaphānilān ..
prāyeṇa tāpātmatayā jvare tejo viśiṣyate.
viśeṣād visaraṃ pittāt tathāca mṛdukoṣṭhatā ..
tasya cānubalaḥ śleṣmā gauravāpaktijāḍyakṛt .
vāyuśca vardhate'vaśyaṃ yātsvassu tayoḥ kśaye ..
jvarātisārayostasmādeṣa doṣajaye kramaḥ .
kaphapittānilānanye kramādāhustorapi ..
tasmādāmāśayotkleśād bhuyiṣṭhaṃ tatsamudbhavaḥ.
kremaṇādyena . iti pittādinā anantareṣvātmapakśāntarbhāvaḥ . tatrāpi viśiṣṭaḥ svapakṣaḥ.
pravṛddhān svāśraye sthitān .
svāśrayeṣu sthitaiva hyāśukāritā ..
vijñāya karmabhiḥ svaiḥ svaiḥ svairdoṣodrekaṃ yathāyatham.
bheṣajaṃ yojayettattat tantrikuryānna tu kramam ..