Tantrayuktivicara 2_16

2_16

yathā- rogaṃ nidānapragrūpalakśaṇa ityādau āptiḥ samprāptiḥ evaṃ duṣṭena evaṃ sthānasthitena evamanugatena evaṃ mārgeṇetyādinā vyādhiparikalpanam.kena vā nidānaviśeṣeṇāsya kupito doṣaḥ doṣasya hyekasyāpi bahavaḥ prakopahetavaḥ ityādiyuktyā nidānasya durvijñeyatvāt prāgrūpeṇa jñānaṃ tatra ca liṅgamavyaktamalpatvād
ityādiyuktyā . tenāpi durvijñāne lakśaṇajñānam . tatrāpi -- āśaṅkā grahaṇidoṣapāṇḍu gulmodarādiṣu . iti ca . mārutāmagronmādamadān susadṛśākṛtīn. ko jānīyāccikitsedvā dūrabhinnakriyākramān .
iti coktatvāt tenāpi durlakṣyasya tūpaśayajñānam . upaśayo nāma- - hetuvyādhiviparyastaviparyastārthakāriṇām. auṣadhānnavihārāṇāmupayogaṃ sukhāvaham .. vidyādupaśayaṃ vyādhe.ityasya hetuviparīte tu saṃtarpaṇotthe apatarpaṇamauṣadham . gurusnigdhaśītādyannaje laghurukṣoṣṇādyannam . jāgarotthe svāpo vihāraḥ. vyādhiviparite tu jvare mustaparpaṭakādirauṣadham . peyādirannam iti. jvarakālasmṛtiṃ cāsya hāribhirviṣayairharet . ityādivihāraḥ . viparyastārthakārī nāma ubhayārthakārī chadya chardanamityādi. ityevamanupaśayajñānam . kiñca samprāptivaśāddhi doṣatrayasya nānāvidharogakaritvam . tena rogajñānānantaraṃ bhāvicikitsāṅgatvāt tasyāpyante pāṭhaḥ . tathā hi--