Hastyayurveda 78.p1

78.p1

pālakāpyaṃ muniśreṣṭhamaṅgarājo'bravīdidam
saṃgrahe yastvayā lupto bhagavansaṃprakīrtitaḥ
evamukto'ṅgarājena pālakāpyastato'bravīt
bhārākrāntādhvagamanādatyarthamurasā'pi ca
prākārastambhaparighapratināgādimardanāt
adhikastambhahāryaiśca mahāpaṅkāśrayeṇa caṃ
lupyate sarvagātreṣu tena luptaḥ prakīrtitaḥ
luptaḥ sarveṣu cāṅgeṣu stambhaḥ so'pyasya jāyate
saptatvakśūnasarvāṅgo'kṣiṃruṣi(?)nātijīvati
śoṇitaṃ ca tathā khebhyaḥ prasraveccāsya bheṣajam
abhyajya sarpiṣā kalkaiḥ kṣāāriṇāṃ saṃpralepayet
sarpiḥ kṣīraprapānaṃ ca sarpiṣaiva ca bhojanam
kuvallaṃ pallavaṃ hṛdyamikṣuryavasamodanam
śastametena vidhinā traiṣveva ca pacettataḥ
traivṛtena susiddhena tasyābhyaṅgaṃ ca vātahṛt
acchapānaṃ ca tenaiva bastikarma ca kārayet
tataḥ snehāvasāne tu yathoktaṃ bṛṃhaṇaṃ tathā
lupto rājanyathā pakṣī tathā nāgoḥ praṇaśyati
.... .... .... .... .... dhātpittastapajedasran
.... .... .... .... .... .... vāraṇānāṃ mahāmune
evaṃ pṛṣṭo'ṅgarājena pālakāpyastato'bravīt
anaṅganāśāya harastriśūlaṃ mumoca kopānmakaradhvajasya
tamāpatantaṃ sahasā nirīkṣya bhayārdito viṣṇutanuṃ praviṣṭaḥ
sa viṣṇuhuṃkāravimohitātmā papāta bhūmau mathitaḥ sa śūlaḥ
sa pañcabhūtānugataṃ śarīraṃ pradūṣayedoṣarasādidhātūn
viṇmūtraśukrānilanigraheṇa atyambupānāśanasevanācca
śramābhighātādupatāpanācca vāyuḥ prakupyā''śu karoti śūlam
hṛtpārśvapṛṣṭhodarakaṭyupasthe karoti pīḍāṃ vividhāṃ sugurvīm
yadā sapittaḥ kupito vāyuḥ sa pratipadyate
tadā mūrchā bhramastṛṣṇā grāsadveṣo vivarṇatā
dāhakampau prapatanaṃ krodhastasyādhiko bhavet
sakaphaḥ kupito vāyuḥ karotyunmārgagastathā
āmāśayasthaḥ kurute'taḥ śūlaṃ gāḍhavedanaḥ
muhurniṣādanaṃ stambhamakṣṇoḥ sāśru viceṣṭitam
krodhaṃ yavasavidveṣamiti liṅgānyataḥ kriyāḥ
ghṛtābhyaṅgaḥ sapitte syādyāśca pittānilakriyāḥ
sakaphe'pi nivātasthaṃ koṣṇatailaniṣecanam
svedayetsnānapāne ca yuktyāduṣṇodakaṃ tathā
aviruddhaṃ ca kurvīta sarvaṃ vātakaphakriyām
dhūpayetsarvagandhaiścairājyaṃgośakṛtā'pi vā
iṅgudairdhṛtasaṃyuktairvātakairvā ghṛtaplutaiḥ
śūladvaye ca sāmānyo vakṣyate'taḥ paraṃ vidhiḥ
haridre hiṅgubṛhatī viḍaṅgaṃ pāribhadrakam
devadārvaśvagandhāṃ ca saralendrayavānapi
kṣubhaḥ(ṣṇaḥ) prātaḥ pradātavyaḥ piṇḍaśūladrūpe hitaḥ
piṇḍo'nyo guḍaśuṇṭhībhyāṃ śuṇṭhī kalkastathā'ñjanam
tatra ślokaḥevaṃ hi pravarabhiṣakprayuktayogairniḥśeṣaṃ vyapanaya mṛtyukalpaśūlam
ānāheṣu vihitamatipāna pānādikramavihitaśca bhaktayogaḥ