Hastyayurveda 97.p1.7

97.p1.7

asthisvedaṃ ca nikhilaṃ phālasvedaṃ ca kārayet
māṃsaniryūhapakkaṃ ca tailaṃ cāsmai pradāpayet
sarpiḥ kṣīraṃ vasāṃ caiva vidhinā saṃpradāpayet
mlānaṃ saṃvatsarotsṛṣṭaṃ vyāvedhaśca na sidhyati
ityabravītpālakāpyo †mlānaṃ gātraṃ cikitsitam
yastu nirveṣṭitaṃ kuryādāveṣṭitamathāpi vā
gātraṃ tasya samutpattirnidānaṃ ca pravakṣyate
kardamaṃ vālukāṃ vāpi sevate yadi vāraṇaḥ
gātrāntaraśca sahasā yadā tu pariṇīyate
bhaumakarmaṇi vā rājanguruvaṃchādisaṃyutam
yadā'panītaḥ sahasā vāraṇaḥ pariṇīyate
atimātraṃ nibaddhaṃ vā yātāraḥ karmaṇe yadi
niyojayanti sahasā mithyāyogādayaṃ(?) hitam
tasya kupyati gātreṣu mārutaḥ saṃnirodhanāt
āveṣṭayate tato gātraṃ tato nirveṣṭayate'pi vā
secanaṃ ghṛtatailābhyāṃ satataṃ tasya kārayet
(※nāḍīsvedaśca kartavyaḥ kalpenaitena dantinaḥ
tulasīṃ surasāṃ bilvamarkamāragvadhaṃ tathā
śyonākaṃ cāgnimanthaṃ ca sthālyāmādhāya pācayet |)
nāḍīsvedaṃ tataḥ kuryāttailābhyaktasya dantinaḥ
nirbhugnasya ca kartavyaṃ(:) pralepaṃ (:) tasya hastinaḥ
nirveṣṭitasya kartavyaṃ samyagāveṣṭanaṃ bhavet
nirveṣṭayettathā'pyenamanena vidhinā bhiṣak
abhyaktaṃ svedayetsvinne samyagālepayedbhiṣak
praliptaṃ veṣṭaye....yadva(dve)ṣṭitaveṣṭitam
......................................lobhayet
na cetprakṛtimāpnoti tathottaramathā''caret
imaṃ kṛtsnaṃ vidhiṃ kuryādyena lāghavamāpnuyāt
yathā ca svinnagātrasya snehapītasya dantinaḥ
yatne'vasthāpya kuryācca tasya gātropaveṣṭanam
tatastaṃ palihastasya madhye yatnena veṣṭayet
yathāyogaṃ tataḥ kuryāttena yantreṇa vāraṇam