Shivattvaratnakara 14.30

14.30

tatra te tu kuśadvīpe brahmarūpaṃ maheśvaram
yajante kṣapayantyatra svādhikāraphalapradam
vidrumaḥ pāṭalaścaiva hemādriśca kuśeśayaḥ
vidrumohemaśailaśca dyutimān puṣpavāṃstathā
kuśeśayo hariścaiva saptamo mandarācalaḥ
varṣācalāstu saptaite saptadvīpe mahāmune!
nadyaśca sapta tāsāṃ tu nāmānīmānyanukramāt
1) bhūtapāpā śivā caiva pavitrā sammatistathā
vidyudambhā mahīcānyā sarvapāpaharāstvimāḥ
anyāssahasraśastatra kṣudranadyastathācalāḥ
dadhitoyena paritastāvatāmbudhināvṛtaḥ
krauñce krauñco hato daityaḥ krauñcādrau hemakandare
skandena yudhvā suciraṃ citramāyī sumānavān
saśailastasya daityasya kānticitreṇa karmaṇā
ketutāmagamattasya nāmnā krauñcassa ucyate
dyutimattanayaistulyanāmavarṣavibhedavān
kuśalo manano goṣyuḥ pīvaraścā 2)tha kārakaḥ
(muniśca dundubhiścaiva saptaitedyutimatsutāḥ
tatrāpi deva gandharvasevitāssumanoharāḥ
varṣācalā mahābuddhe! teṣāṃ nāmāni macchṛṇu
krauñcaśca vāmanaścaiva tṛtīyaścāndhakārakaḥ)
caturtho ratnaśailaśca svāhinīhayasannibhaḥ
dvīpāvṛtapañcamaścaiva tathānyaḥ puṇḍarīkavān
dundubhiśca mahāśailo dviguṇāste parasparam
dvīpā dvīpeṣu ye śailā yathā dvīpeṣu te tathā
sarveṣveteṣu varṣeṣu varṣaśailavareṣu ca
nivasanti nirātaṅkāssaha devagaṇaiḥ prajāḥ
puṣkarāḥ puṣkalā dhanyā stiṣyākhyāśca mahāmune!
te tatra nadyo maitreya! yāḥ pibanti śṛṇuṣva tāḥ
sapta pradhānāśśataśastatrānyāḥ kṣudranimnagāḥ
gaurī kumudvatī caiva sandhyārātrirmanojavā
khyātiśca puṇḍarīkākhyāssaptaitā varṣanimnagāḥ
atrīpa varṇairbhagavān puṣkarādyairjanārdanaḥ