Shivattvaratnakara 18.98

18.98

aṣṭamyāṃ pariveṣaḥsyāttaile jalagate yadā
prasārite vijānīyātkhaṇḍaścettatra mokṣaṇam
gaṇitena nimittaiśca vijñeyaṃ grahaṇaṃ budhaiḥ
sūryaśukrabudhā māsaṃ sārdhamāsaṃ kṣitessutaḥ
gururvarṣaṃ śanirvarṣau sārdhaudvau rāhuketukau
sārdhaikavarṣaṃ candrastu sapādadvidinaṃ vaset
yojanānāṃ sahasraṃ tu daśānvitamahaḥ pateḥ
maṇḍalaṃ triguṇaistaistu yojanairātivistṛtam
tāvatpramāṇaṃ pādena hīnaṃ candrasya maṇḍalāt
tatṣoḍaśāṃśamānena mitaṃ bhārgavamaṇḍalam
tatpādone gurostasmātpādahīnaṃ budhasya ca
tatpādahīnaṃ bhaumasya tathā sūryasutasya ca
śatāni pañca catvāri trīṇi dve caikamevaca
ṛkṣāṇāṃ kṛttikādīnāṃ maṇḍalānāṃ kramānmitiḥ
tataścoparilakṣāttu raviputrānmaharṣayaḥ
tiṣṭhanti sarvarāśau te śatavarṣe vasanti ca
marīciratriḥ pulahaḥ pulastyaḥ kraturaṃgirāḥ