Shivattvaratnakara 34.2

34.2

itīrayanti ye nityaṃ na hi tānbādhate kaliḥ
iti śrīśivatattvaratnākare caturthakallole
kalidharmavarṇanaṃ nāma daśamastaraṃgaḥ
athaikādaśastaraṃgaḥ.
evameva kalerdharmāssaṃgraheṇa nirūpitāḥ
nānāvidhāṃstathotpātān kalidoṣasamudbhavān
kathayāmi samāsena tānkumāra! niśāmaya
deśādhipe mahārāje doṣabuddhimasuvrate
apacāro mahānatra prajāsu kṣāmapīḍayā
vyādhibhirvātha bahubhirathavā rājapīḍayā
utpātāssambhaviṣyanti pure grāme vane'thavā
kāko maithunayuktaścerukṣaveto vā yadi dṛśyate
rājā vā mriyate tatra tadā deśo vinaśyati
ulūko vāśate yatra nipatedvā tathā gṛhe
jñeyo gṛhapatermṛtyurdhananāśastathaiva ca
prāsādatoraṇāṭṭāladvāraprākāraveśmanām
animittaṃ tu patanaṃ dṛḍhānāṃ rājamṛtyave
rajasā 1) vātha dhūmena diśo yatra samākulāḥ
vivarṇā yatra dṛśyante brāhmaṇāśca vikarṣiṇaḥ
ṛtavastu viparyastā naro vā pūjyapūjitaḥ
nakṣatrayogavyatyāsaste sarve bhayasūcakāḥ
agniryatra na dṛśyeta hūyamāneṣu śāntiṣu
pūrṇakumbhāssravantyeva vahnirvā vipralupyate
maṅgalyāssvāmino yatra na śrūyante khāstathā
vādyamānā na vādyante vādyante cāpyanāhatāḥ
acalāḥ pracalantyeva pracalā na calanti ca
praviśanti yadāgrāmamāraṇyā mṛgapakṣiṇaḥ
araṇyaṃ yānti vai grāmyāssthalaṃ yānti jalodbhavāḥ
sthalajā vā jalaṃ yānti ghoraṃ nāśaṃ vinirdiśet
rājadvāre puradvāre śivā yāntyaśubhapradāḥ
divā rātriñcarā yānti rātrau yānti divācarāḥ
grāmyāstyajanti grāmaṃ vā taccotpātasya lakṣaṇam
sandhyāsu dīptaṃ śāntaṃ vā śivā vāśanti visvaram
maṇḍalāni prakurvantaste vai mṛtiphalapradāḥ
pradoṣe kukkuṭo vāśeddhemante vāpi kokilaḥ
arkodaye'rkābhimukhastadā mṛtyubhayaṃ bhavet
gṛhaṃ kapotaḥ praviśet kravyādo vā vilīyate
madhu vā makṣikāḥ kuryurmṛtyurgehapaterbhavet
prākāradvārageheṣu toraṇāpaṇavīthiṣu
ketuchatrāyudhādyeṣu kravyādo nipatedyadi
jāyate vātha vālmīko madhu vā dṛśyate yadi
sa deśo nāśamāyāti svāmī vā mriyate tadā
mūṣakāñchalabhāṃndṛṣṭvā prabhūtaṃ kṣudbhayaṃ bhavet
narāpacārānnithama maparajyanti devatāḥ
nānāparādhā 1) devānāmupasargaḥ prajāyate
divyāntarikṣabhaumāśca trividhāḥ parikīrttitāḥ
graharkṣavaikṛtaṃ divyamāntarikṣaṃ nibodha me
ulkāpāto diśāṃ dāhaḥ pariveṣastathaiva ca
gandharvanagaraṃ caiva vṛṣṭiśca vikṛtā ca yā
evamādīni loke' 2)sminnāntarikṣāṇi nirdiśet
caraṃ sthiraṃ ca loke'smin bhūkampamapi bhūmijam
jalāśayānāṃ vikṛtaṃ bhaumametadvinirdiśet
bhaume cātha phalaṃ jñeyaṃ cireṇaiva vipacyate
ubhayaṃ madhyamaphalaṃ madhyakālaphalapradam
adbhute tu samutpanne yadi vṛṣṭiśivābhavet
saptāhābhyantarejñeyamadbhutaṃ niṣphalaṃ bhavet
adbhutaśca 3) vinaṣṭaścedvinā śāntyā pradṛśyate
tribhirvarṣaistu taddravyaṃ sumahadbhayakāraṇam
rājñaśśarīre loke ca pure dvāre purohite
pākamayāti putre ca tathā vai kīśavāhane
ṛtusvabhāvādrajendrā bhavantyadbhutasaṃjñitāḥ
śubhāvahāśca vijñeyāstāṃ ca madbhadataḥ śṛṇu
vajrāśanimahīkampasandhyānirghātanisvanāḥ
pariveṣarajoghūmaraktāstārkamayodayāḥ