Shivattvaratnakara 45.49

45.49

tatsūtraṃ dviguṇīkṛtya prathamānmadhyamāvadhi
punarnikṣipya tasyārdhaṃ gṛhītvā yuddhavistuteḥ
mānena bhitvā tatsūtramādāya śakalāni ca
pūrvādikramataracaitānyaṣṭadikṣu ca vinyaset
punarevaṃvidhāne tu śiṣṭairdikpālajātayaḥ
indro vaiśyo meṣapālo vahniścaśūdro'rkanandanaḥ
ambaṣṭho niṛtiścaiva varuṇo rājaputrakaḥ
vāyuścaṇḍāla eva syāt kubero brāhmaṇastathā
īśānaśca mataṃgaḥ syāditi dikpālajātayaḥ
vaiśye dhanaṃ meṣapāle daridratvaṃ ca śūdrake
sukhaṃ bandhanamambaṣṭhe caiśvaryaṃ rājanandane
caṇḍāle strīvināśaśca brāhmaṇe jaya eva ca
mātaṃge kalahaścaiva kramādeṣāṃ phalaṃ bhavet
asimānaṃ saptahataṃ vighnenāvaśeṣitam
aśvinyādyaṃ tu nakṣatraṃ janmabhācca punaḥ punaḥ
tārādīnāṃ balaṃ paśyedetannakṣatrayogataḥ
krīṇaṃtaṃ maraṇāyoktaṃ parājayāya pravartanaṃ kośāt
svayamudghūrṇe yuddhe jvalite vijayo bhavetkhaḍge
nākāraṇaṃ vivṛṇuyānna vighaṭṭayecca paśyenna tatra vadanaṃ navadecca mūlyam
deśaṃ na cāsya kathayetpratimānayecca naiva spṛśennṛpatiraprayato'siyāṣṭim
muṣṭicchede mriyetasvāmī cchinne'gre mātarastathā
tasmānna cchedayetkhaḍgamātmanaśśubhadaṃ yataḥ
pramāṇasaṃyutaṃ kintu kuryānnikaṣagharṣaṇaiḥ
kṣīre kadalyā bhasitena yukte vinoṣitaṃ pāyitamāyasaṃ yat
samyak sthitaṃ cāśmani naiti bhaṃgaṃ nacānyaloheṣvapi tasya kauṇṭhyam
evaṃ proktāni khaḍgasya svarūpāṇi samāsataḥ
tataśca nṛpatiḥ khaḍgaṃ sarvalakṣaṇasaṃyutam
hastenādāya purato virodhinamapātayat
śauryamasyedṛśaṃ dṛṣṭvā hṛṣṭo dillīpurādhipaḥ
etadbhṛtyān paryapṛcchat kutukī vismitāntaraḥ
ayaṃ kaḥ kutravasati svāmī yuṣmākamityapi
tatastaṃ prati vṛttāntaṃ svāminaste'pyavādiṣuḥ
saṃkaṇanāyako nāma paścimasyāṃ nṛpo diśi