Shivattvaratnakara 46.8

46.8

āṣāḍhe sthāpito devo yajamānavināśakṛt
sauramānena vijñeyaḥ śrāvaṇe rājarāṣṭrahā
proṣṭhapadyāṃ vipattiḥ syādāśvayugrājahā bhavet
kārtike śatruvṛddhiḥsyānmārgaśīrṣe tathaivaca
dineṣu yasya devasya yā tithistasya tatra ca
śuklapakṣe ca pūrvāhṇe kṛṣṇe'pyāpañcamītitheḥ
caturthīṃ navamīṃ ṣaṣṭhīṃ varjayitvā caturdaśīm
tithayaśśubhadāḥ proktā guruśukrabudhendavaḥ
vārāḥ syuśśubhadāścānye śubhayoge śubhapradāḥ
aśvinī rohiṇī hastā śravaṇaṃ revatī tathā
puṣyaḥ punarvasuścāpi dhaniṣṭhā cottarātrayam
ṛkṣāṇyetāni śastāni śubhayoge parāṇyapi
bavādivaṇijāntāni śubhāni karaṇāni ṣaṭ
lagnagrahabalaṃ jñeyaṃ jyotiśśāstrāttadarthibhiḥ