Shivattvaratnakara 53.52

53.52

sacibān sapta cāṣṭauvā kurvītamatimānnṛpaḥ
svadeśavāsinaḥ prājñā ūhāpohaparāyaṇāḥ
deśakālavido dhīrāssādhyāsādhyavivekinaḥ
pareṃgitajñā dhīmantaḥ svākārasya nigūhakāḥ
evaṃvidhā mahībhartuḥ sacibāḥ kāryasiddhaye
trayyāṃ ca daṇḍanītyāṃ ca śāntikarmaṇi pauṣṭike
ātharvaṇe ca kuśalaḥ samyaggrāmapurohitaḥ
adveṣī nityasaṃtoṣī brāhmaṇo gaṇitekṣaṇaḥ
grahacāravidhānajñaḥ sarvai jyautiṣikaḥ smṛtaḥ
kulajaśśīlavān vīraśśrutarbhāṣāviśāradaḥ
vyūhabhedavidhānajñaḥ sāditattvaviśeṣavit
dātā priyaṃvado dānto matimān dṛḍhaniścayaḥ
rājñā senāpatiḥ kāryaśśūro bhṛtyaviśeṣavit
smṛtiśāstrārthakuśalā rāgadveṣavivarjitāḥ
vyaye'pi ca viśeṣajño rakṣaṇe nipuṇaśśuciḥ
smārtaissaha samālocya yathārhaṃ daṇḍapātinam
dharmādharmavicārajñaṃ kuryāddaṇḍadharaṃ nṛpaḥ
lohavastrājinādīnāṃ vastrāṇāṃ ca viśeṣavit
dharmādhikāriṇaḥ kāryā vilobhā bhayavarjitāḥ
anūcānassusantuṣṭaśśānto bahukuṭumbikaḥ
sāvadhāno gaṇitavidbhāṇḍāgāre niyujyate
ekādyā navaparyantā navaivāṅkāḥ svarūpataḥ
daśottarakrameṇaite vardhante vinduvṛddhitaḥ
vindureko daśasthāne śate vindudvayaṃ bhavet
vindutrayaṃ sahasre syādayute taccatuṣṭayam
vindavaḥ pañca lakṣe syuḥ prayute vindavaśca ṣaṭ
vindavassapta koṭyāṃ syurdaśakoṭistathāṣṭabhiḥ
śatakoṭyastu navabhirarbudaṃ daśavindubhiḥ
mahāśaṃkhe tu tesaikāḥ kṣitau viṃśati vindavaḥ
mahākṣitau tu tesaikāḥ kṣobhe dvāviṃśatiḥ smṛtāḥ
ekādhikā vidhātavyāḥ kramādeteṣu vindavaḥ
ekādhikā mahākṣobhe te caturviṃśatirnidhau
mahānidhau sāgare ca mahāsāgareka tathā
harau mahāharau saṃkhye mahāsaṃkhye paṇā tathā
mahāpaṇā ṛtau tadvanmahāṛtuparārdhayoḥ
ekādhikā vidhātavyāḥ kramādeteṣu vindavaḥ