Shivattvaratnakara 71.116

71.116

śakalāni punastatra laśunāīkayoḥ kṣipet
jāte pāke tamādāya karpūrādyaiśca vāsayeta
badhvā taṃ pūgapaṭṭena bhuktikāle pradāpayet
(vātanāṃrāyaṇaṃ caiva golī vāghanmamīritam
cihvāpravālaṃ madhuraṃ mehadoṣavināśakṛt || )
cakravartaḥ paraṃ pathyo grahaṇyarśovikāravat
cakravartaṃ taṇḍulīyaṃ vaikuṇṭhaṃ cāpyupodakim
śakuṭaṃ ca mahābāṣpaṃ goṇīrājagiristathā
gandhalakṣmīśca matsyākṣī kālaśākaśca śākinī
menthī caṇakapatnī ca tathā sarṣapapatrakam
evamādīni patrāṇi śākayogyāni bhūriśaḥ
pūrvavatkrama eteṣāṃ patrāṇāṃ samudīritaḥ
jālinīlulitaṃ takraṃ kiñcidamlena saṃyutam
sugandhaguṇasaṃyuktaṃ kusumairadhivāsayet
muhūrtamātraṃ saṃsthāpya kusumāni pāstyajet
1) laśunāīkayośchedān punastatra vinikṣipet
kumbhīdalaṃ ca dhānyākaṃ śuṇṭhīcūrṇaṃ ca nikṣipet
niśācaṇakaśālīnāṃ piṣṭaṃ cāpi tataḥ kṣipet
saindhavaṃ ca yathāyogaṃ jambīrāmlaṃ ca nikṣipet
rāmaṭhaṃ tatra nikṣipya kuryādāloḍanaṃ budhaḥ
cullyāṃ pacecca tattakraṃ darvyāloḍanapūrvakam
pākārthe nikṣipettatra sūcobhinnamarīcikān
tadyāvatā kaṭu bhavettāvatpakvāvatārayet