Shivattvaratnakara 82.1

82.1

iti śrīmadanādyanantasakalatattvottīrṇaṣaḍadhvopādāna vindukāraṇa
cidambaraśaktisamanvitaparameśvaraprasādāsāditaśivādvaitavidyāviśārada
śrīmatkeladīvasavarājendraviracite
vedāgamāntargatavividhavidyātantasārabhūte
śrīśivatattvaratnākare saptamakallole prathamastaraṅgaḥ
atha dvitīyastaraṃgaḥ
svāminnāsthānamadhye tu mahāścaryavidhāyikā
haramekhalikātantrakriyā vṛtteti varṇitā
idamaśrutapūrvaṃ me tanute śravaṇe matim
tad vivṛttyādhunā brūhi mayi bhūrikṛpāvaśāt
śṛṇu nandana! tatsarvaṃ kathayāmi savistaram
vañcanaṃ paradṛṣṭīnāmagnistambhanameva ca
tato jalastambhanaṃ ca vacanastambhanaṃ tathā
haramekhalikātantre tvevamādyāḥ kriyāśśubhāḥ
pūrvaṃ rakṣāvidhiṃ kṛtvā paścātkautukamārabhet
vinā rakṣāvidhānena yatkaroti na siddhyati
nāsārandhradvayaṃ liptvā goghṛtena tato mukhe
1) kṣipedvimbaphalaṃ yastu kuyogairna sa bādhyate
tagarāñcitanetro'sau tagaraṃṇa ca dhūpitaḥ
śmaśānatarumūlena kuryātpādāṃgulīyakam
mṛtanirmālyasaṃyuktaṃ raktasūtreṇa veṣṭayet
tena niśśeṣalokasya dṛṣṭibandhaḥ prajāyate
ghṛṇākanakapañcāṅgatālakena yutā tathā
mudrikā sarvalokasya 2) dṛṣṭibandhakarī sadā
svapāde dhārayedenāṃ paścāt siddhyati kautukam
bhaumapuṣye tu saṅgṛhya kṛkalāsīṃ manoharām
sthāpayennavabhāṇḍetu raktapuṣpaiḥ prapūjayet
3) dhūpairbairakṣatairgandhairnaivedyairmantrasaṃyutaiḥ
vāmahastakaniṣṭhāyaḥ svasya raktena secayet
saptāhaṃ pūjayeddevaṃ śastā sā sarvakarmasu
4) oṃ hrāṃ hrīṃ hūṃ svāhā
tanmṛtaṃ chāyayā śuṣkaṃ cūrṇayitvā kaṭiṃ lipet
savastramapi taṃ loko nagnamālokayed dhruvam
valayīkṛtya taccūrṇaṃ kūrpare maṇibandhake
kākavad dṛśyate lokaistatkṣaṇātnāva saṃśayaḥ
taccūrṇaistālapatraṃ tu lepitaṃ sarpavadbhavet