Shivattvaratnakara 82.195

82.195

alābuphalacūrṇaṃ tu pakvaśleṣmātakaṃ jalam
piṣṭvā tenājinaṃ liptvā ghanaṃ dvyaṃgulamātrakam
tacchuṣkaṃ nikṣipettoye mahābdhau ca nadaṃ hṛde
tasyopari sthito yo'sau na kadāpi nimajjati
piṣṭvā śleṣmātakālābū kartavyaṃ pādukādvayam
godhācarmamayaṃ chatraṃ kṛtvāsḍhaścarañjale
śleṣmātaphalacūrṇaṃ tu lepyaṃ śuṣke ca mṛdghaṭe
ghanamaṃgulamātraṃ syācchoṣayetpūrayejjalaiḥ
kṣaṇārdhaṃ bhidyate kumbhaṃ jalaṃ baddhaṃ tu tiṣṭhati
atra mantraḥ || oṃ namo bhagavaṃte rudrāya jalaṃ stambhaya stambhaya va va
svāhā
ukteṣu jalayogeṣu mantramevaṃ japed budhaḥ
pātālagāruḍaṃ patraṃ jalena saha mardayet
1) tajjalaṃ pūrayet kumbhe tatkṣaṇādvadhyate jalam
kadambavṛkṣasārastu vidyutpātanivāraṇaḥ
vidyutpātasya no bhītirdevarājasya kīrtanāt
jaiminiśca sumantuśca vaiśampāyana eva ca
pulastyaḥ pulaho viṣṇuṣṣaḍete vajravāraṇāḥ