Pramāṇa · Search · About · API

Shivattvaratnakara 88.63

Śivattvaratnākara 88.63

Language
Sanskrit

88.63

adhobhāge śarīrasya punaḥ kiñcana śikṣayet
kṛtajñāśśucayaḥ prājñāḥ kalpyā drohavivarjitāḥ
gurubhirastyaktaśāṭhyāśca kāryāśśiṣyā vivekinaḥ
madhurāhāriṇaḥ prāyo brahmavratavidhāyinaḥ
1) kaṃdarpapramukhakrīḍāvinodaparihāriṇaḥ
vinītena ca śiṣyeṇa paṭhatā bhāvyamanvaham
guruṣvavinayo dharme vidveṣassvaguṇairmadaḥ
guṇeṣu dveṣa ityetāḥ kālakūṭacchaṭāḥ sphuṭāḥ
kalācāryasya cājasraṃ paṭhatā hitamācaret
niśśeṣamapi cāmuṣmai labdhaṃ labdhaṃ nivedayet
gurossanagaragrāmāṃ dadāti yadi medinīm
tathāpi na bhavatyeva kathaṃcidanṛṇaḥ pumān
upādhyāyamupāsīta tadanuddhataveṣabhṛt
varṣe garbhāṣṭame vāpi śubhe caikādaśe'pi vā
vratabandhaṃ prakurvīta kṣatriyasya yathocitam
vedamadhyāpayet putramastramavidyāṃ ca śikṣayet
gajāśvārohaṇābhijñaṃ rathayānaviśāradam
śastraśāstrakṛtābhyāsaṃ gajārohasuśikṣitam
aśvavāhasuniṣṇātaṃ tattadvidbhiḥ parīkṣayet
ekaikaṃ kramaśaḥ putraṃ parīkṣeta vicakṣaṇaḥ
pāṭavaṃ ca balaṃ prajñāṃ kriyākauśalameva ca
śrutau nītau smṛtau tarke kāvye vyākaraṇe'pi ca
dhanurvede bhūmibale svaraśāstre kalāsvapi
dṛḍhaghāte bhūmipāte lakṣyālakṣyeṣumokṣaṇe
vidyotkarṣaṃ parīkṣeta balaṃ kodaṇḍakarṣaṇe
gātreṣu pāṭavaṃ pādadāḍharyaṃ tallāghavaṃ tathā
haste niṣṭhuratāṃ caiva dṛṣṭvā sthairyaṃ ca cetasi
vitastistriṃcatuḥpañcabhedākhyānāni dhenuṣu
khaḍgakuntagadācakraśaktiśūlaparaśvadhe
paraprayuktaghāteṣu vañcanā 2) prauḍhimā kṣamā
svayaṃ prayuktaghāteṣu dṛḍhakarma parīkṣayet
evamastraprayuktaṃ tu kumārāṇāṃ ca kauśalam

88.63.p1

kṛtāstrāṇāṃ parīkṣeta tajjñaissaha mahīpatiḥ

88.63.p2

teṣāmutkarṣamanvicchet svasmādapyavanīpatiḥ

Linked texts (1)