Shivattvaratnakara 9.1

9.1

iti śrīśivatattvaratnākare dvitīyakallole prathamastaraṃgaḥ
dvitīyastaraṃgaḥ.
narakāṇāṃ prabhedāḥ prāksaṃgraheṇa samīritāḥ
svāminnetarhiṃ tāneva vistareṇopavarṇaya
narakāstu kiyantaste teṣu vā yātanāśca kāḥ
kīdṛśāsteṣu bahudhā duḥkhānubhavabhāginaḥ
etatsarvaṃ mamācakṣva śrotumicchāmi vistarāt
putra! te va1)rṇyate sarve yacchrotumabhikāṃkṣase
aṣṭāviṃśati revoktāḥ kṣite2)rnarakkoṭayaḥ
saptamasya talasyādho ghore tamasi saṃsthitāḥ
ghorākhyā prathamā koṭiḥ sughoratalasaṃsthitā
atighorā mahāghorā ghoraghorā ca paṃcamī
ṣaṣṭhī taralatārākhyā saptamī ca bhayāvahā
aṣṭamī kālarātrī ca navamī ca bhayotkaṭā
daśamī tadadhaścaṇḍā mahācaṇḍā tato'pyadhaḥ
caṇḍakolāhalā cānyā pracaṇḍā narakādhikā
padmā padmavatī bhīmā bhīmabhīṣaṇanāyakā
karālā vikārālā ca vajrā viṃśatikā smṛtā
trikoṇā paṃcakoṇā ca sudīrghā parivartulā
saptabhaumāṣṭabhaumā ca dīptā yāmeti cāṣṭamī
ityetā nāmataḥproktā ghorā narakakoṭayaḥ
aṣṭāviṃśati revaitāḥ pāpānāṃ yātanātmanām
tāsāṃ krameṇa vijñeyāḥ paṃcapaṃcaikanāyakāḥ
pratyekaṃ sarvakoṭīnāṃ nāmatastānnibodha me
rauravaḥ prathamasteṣāṃ rudante yatra dehinaḥ