Shivattvaratnakara 90.143
Śivattvaratnākara 90.143
- Language
- Sanskrit
90.143
sīmante vā lalāṭe vā tyājyā dūrātprayatnataḥ
sā patiṃ hanti darpeṇa yasyā madhyekṛkāṭikam
pradakṣiṇo vā vāmo vā lomṇāmāvarta kastriyāḥ
eko vā mūrdhani dvauvā vāmāvāmagate api
ādaśāhāt patighnī tu tyājyā dūrātprayatnataḥ
gandhacchāyādikān puṃso lakṣaṇe'nupadaṃ bruve
alakṣaṇaissucāritrairapi mandāyaṣaṃ patim
dīrghāyuṣaṃ prakurvanti pramadāḥ pramadāspadam
atassulakṣaṇā yoṣā pariṇeyā vicakṣaṇaiḥ
lakṣaṇāni parīkṣyādau bhuñjed durlakṣaṇāstriyaḥ
arcitā jagatāṃ mātā yābhirnṛpavadhūriha
tā bhavanti sucāritrā yoṣāḥ svādhīnabhartṛkāḥ
svādhīnabhartṛkāṇāṃ ca suśīlānāṃ mṛgīdṛśām
svargāpavargāvātraiva sulakṣaṇaphalaṃ hi tat
Linked texts (5)
- Skandamahāpurāṇa (vulgate) — Sanskrit
- Śivatattvaratnākara — Basappa Nāyaka 1684, Sanskrit
- Kāśīpurāṇa — Sanskrit
- Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit
- Puruṣārthasudhānidhi — Sāyaṇācārya, Sanskrit