Annapanavidhi 24.1
Annapānavidhi 24.1
- Language
- Sanskrit
24.1
atha śimbidhānyaguṇāḥ kathyante
tatrādau mudgaguṇāḥ
mudgaḥ pittakaphāpaho vraṇaharaḥ kaṃvā (ṭhā) mayaghno laghuḥ
pathyo vātaviriktajantuṣu tathā netrāmaye sarvadā
naivādhmānakarastathānilaharo mandāmi (va) le śasyate
sūpānamapi cottamaḥ svarakaro mūtrāmayacchedanaḥ
atha māṣaḥ
māṣaḥ snigdho balamalakaraḥ śoṣaṇaḥ śleṣmakārī
vīrye coṣṇo jhaṭiti kurute raktapittaprakopam
hantyādvātaṃ gururatiraso rocako bhakṣa (kṣya) māṇaḥ
svādurnityaṃ śramasukhajuṣāṃ jīvanīyāṃ narāṇām
24.1.p1
māṣo gururbhinnapurīṣamūtraḥ
snigdhoṣṇavīryomadhuro'nilaghnaḥ
saṃtarpaṇastanyakaro viśeṣāt
24.1.p2
balapradaḥ śukrakaphāvahaśca
Linked texts (5)
- Āyurvedamahodadhi (Annapānavidhi section) — Suṣeṇa, Sanskrit
- Suśrutasaṃhitā — Suśruta & Nāgārjuna (siddha/alchemist), Sanskrit
- Hārītasaṃhitā — Hārīta, Sanskrit
- Āyurvedasaukhya — Ṭoḍaramalla 1565, Sanskrit
- Bhāvasvabhāva — Mādhavadeva, Sanskrit