Annapanavidhi 27.20

Annapānavidhi 27.20

Language: Sanskrit

27.20

atha nālikerīphalam
snigdhaṃ svādurasaṃ vipākamadhuraṃ hṛdyaṃ jaraṃ(ḍaṃ) durjaraṃ
pittaghnaṃ krimivardhanaṃ madakaraṃ vātāmayadhvaṃsanam
āmaśleṣmavikopanaṃ praśamanaṃ vahnerbhramadhvaṃsanaṃ
kandarpasya balaṃ dadāti nitarāṃ tannālikerīphalam
nālikerodakam
susvāduvṛṣyalaghudīpanarūkṣaśītaṃ
tadvātapittaharavastiviśuddhihetuḥ
syānnārikelasalilaṃ śaśikānti pathyaṃ
pittajvarasya viṣahāri vadanti vaidyāḥ

Previous: 27.19
Next: 27.21
Up: 27

Linked texts (2)

Āyurvedamahodadhi (Annapānavidhi section) — Suṣeṇa, Sanskrit
TĀMBŪLAMAÑJARĪ — Sanskrit