Bhojanakutuhala 12.p45
Bhojanakutūhala 12.p45
- Language
- Sanskrit
12.p45
samāgnirapi kriścānyo mandāgnirviṣamo'pi vā | tīkṣṇāgninā tu pātavyaṃ dvikālamapi māhiṣam || tasya dhātūn pacedagniryadā tena na siñcati | iti gavyasya sāmānyatastaditarasya ca guṇāḥ | athetarasya viśeṣaguṇāḥ | tatra māhiṣasyamāhiṣaṃ balavarṇaujojidrāśuklabalapradam | tīkṣṇāgniśamanaṃ svādu rasapāke ca puṣṭidam || vyāyāmaśrāntadehasya śramaghnamanilāpaham | niṣkāmasyāpi vṛddhasya strīṣu kāmapradāyakam || balinastaruṇasyāpi viśeṣāt kāmadāyakam || iti māhiṣakṣīraguṇāḥ | athājasyaajānāmalpakāyatvāt kaṭutiktaniṣevaṇāt | nātyambupānādvyāyāmāt sarvavyādhiharaṃ payaḥ || tathā - ājamagnibalakṛt kṣayakāsaśvāsahṛt kaphaharaṃ paramaṃ tat | raktapittaharamāśvatisāre raktaje ca kathitaṃ hitametat || tathāgodugdhataḥ syādadhikaṃ guṇeṣu saṃkṣīṇadeheṣu ca pathyamuktam | sthūlājadugdhaṃ kathitaṃ payojñaiḥ sūkṣmājadugdhaṃ tviha kiṃcidūnam || ityājasya
Linked texts (5)
- Suśrutasaṃhitā — Suśruta & Nāgārjuna (siddha/alchemist), Sanskrit
- Āyurvedamahodadhi (Annapānavidhi section) — Suṣeṇa, Sanskrit
- Dravyaguṇa rājavallabha — Nārāyaṇadāsa Kavirāja, Sanskrit
- Paryāyaratnamālā — Mādhavakara, Sanskrit
- Annapānavidhi — Suṣeṇa, Sanskrit