Bhojanakutuhala 14.p3
Bhojanakutūhala 14.p3
- Language
- Sanskrit
14.p3
atha tadguṇāḥ - gholaṃ mārutapittahāri mathitaṃ śvāsāpahaṃ śleṣmahṛt pittaśleṣmavināśyudasvidadhikaṃ takraṃ tridoṣāpaham | mandāgnāvavarucau tathaiva nitarāmanyeṣu rogeṣvapi śreṣṭhaṃ takramidaṃ vadanti munayastenottamaṃ prāṇinām || yathā surāṇāmamṛtaṃ pradhānaṃ tathā narāṇāṃ bhuvi takramāhuḥ| amlena vātaṃ madhureṇa pittaṃ kaphaṃ kaṣāyeṇa nihanti sadyaḥ || gavyaṃ tu dīpanaṃ takraṃ bheṣyamarttitridoṣajit | māhiṣaṃ śleṣmalaṃ takraṃ sāndraṃ śophakaraṃ guru || hanti gulmamatīsāraplīhārśograhaṇīgadān | susnigdhaṃ chāgalaṃ takraṃ laghu doṣatrayāpaham || gulmārśograhaṇīśophapāṇḍvāmayavināśanam | takraṃ tvajāviprabhavaṃ na sevyamaniṣṭagandhaṃ triṣu cāpyapathyam
Linked texts (4)
- Rājanighaṇṭu (Nighaṇṭurāja, Abhidhānacūḍāmaṇi) — Narahari Paṇḍita, Sanskrit
- Āyurvedamahodadhi (Annapānavidhi section) — Suṣeṇa, Sanskrit
- Caryācandrodaya — Dattarāma, Sanskrit
- Annapānavidhi — Suṣeṇa, Sanskrit