Bhojanakutuhala 20.p5

Bhojanakutūhala 20.p5

Language: Sanskrit

20.p5

prāpyānnaṃ saviṣaṃ tvagniraikāvartaḥ sphuṭatyapi | śikhikaṇṭhābhadhūmārciranārcirvogragandhavān || mriyante makṣikāḥ prāśya kākaḥ kṣāmasvaro bhavet | vikośanti ca dṛṣṭvaiva śukadātyūhaśārikāḥ || haṃsaḥ praskhalati glānirjīvañjīvasya jāyate | cakorasyākṣivairāgyaṃ krauñcasya syānmadodayaḥ || kapotaparabhṛddhṛṅgacakravākā jahatyasūn | udvegaṃ yāti mārjāraḥ śakṛnmuñcati vānaraḥ || dṛṣṭenmayūrastadṛṣṭyā mandatejo bhavedviṣam | ityannaṃ viṣavajjñātvā tyajedevaṃ prayatnataḥ || yathā tena viṣeṇedāpi na kṣudrajantavaḥ | spṛṣṭe tu kaṇḍūdāhoṣmajvarārtisphoṭasuptayaḥ || nakharomacyutiḥ śophaḥ sekādyā viṣanāśanāḥ | viruddhamapi cāhāraṃ vidyādvaraviṣopamam || iti saviṣānnādiparīkṣā

Previous: 20.p4
Next: 20.p6
Up: 20

Linked texts (1)

Kṣemakutūhala — Kṣemaśarman 1549, Sanskrit