Bhojanakutuhala 21.p10

Bhojanakutūhala 21.p10

Language: Sanskrit

21.p10

panasāmalakīphalapaktaye bhajata sarjavaro'pi bījakam | sakalamapyuditānuditaṃ phalaṃ prapacati prasṛtaṃ vaṭatindukam || ārdrāmrabījaṃ panasasya paktyai rasālapaktyai ghanarāvabījam | apūpapaktyai sajalā yavānī sā kaiściduktā pṛthukasya paktyai || ghanarāvastaṇḍulīyakaḥ | pālaṅkikākambukakāravallīvārtākavaṃśāṅkuramūlakānām | upaudakālāmbupaṭolakānāṃ siddhārthako megharasasya paktā || paṭolavaṃśāṅkurakāravallīphalānyalāvūni phalāni jagdhvā | kṣārodakaṃ brahmavarornipīya bhoktuṃ punarvāñchati tāvadeva || vāstūkasiddhārthakacuñcuśākaṃ prayāti sadyaḥ khadireṇa pākam | yathā guḍaḥ sūraṇanāgarañcau tathālukaṃ taṇḍulavāri hanti || patrāṇi puṣpāṇi phalāni yāni mūlāni pūrvaṃ na mayoditāni

Previous: 21.p9
Next: 21.p11
Up: 21

Linked texts (1)

Ajīrṇamañjarī — Kāśinātha, Sanskrit