Bhojanakutuhala 21.p46

21.p46

matsyamānūṣamāṃsaṃ ca dugdhayuktaṃ vivarjayet | kapotaṃ sārṣapasnehabharjitaṃ parivarjayet || matsyānekṣorvikāreṇa tathā kṣaudreṇa varjayet | saktūnmāṃsapayoyuktānuṣṇairdadhi vivarjayet || uṣṇenabho'mbunā kṣaudraṃ pāyasaṃ kṛsarānvitam | rambhāphalaṃ tyajettakradadhivilvaphalānvitam || daśāhamuṣitaṃ sarpiḥ kāṃsye madhughṛte same | kṛtānnaṃ ca phaṇāyaṃ ca punaruṣṇīkṛtaṃ tyajet || ekatra bahumāṃsāni virudhyante parasparam | evaṃ dravyaguṇān jñātvā kāle kuryāttu bhojanam || janmanakṣatravṛkṣāścābhakṣyāḥ te ca - atha vakṣyāmi nakṣatravṛkṣānāgamacoditān | pūjanāt puṇyadāṃścaiva vardhanāt pālanādapi || viṣadrudhātrītaruhemadugdhājambvastathā khādirakṛṣṇavaṃśāḥ | aśvatthanāgau ca ghaṭaḥ palāśaḥ plakṣastathāmbaṣṭhataruḥ krameṇa