Bhojanakutuhala 21.p8

21.p8

ghṛtamānūpadeśotthaṃ hemante ca balādhikam || svedairyāti śamaṃ dāhaḥ prāyo laśunapānajaḥ | divāsvāpājjvaraṃ yāti bhuktamanvedyuratha na koṣṭhe ruddho'gnikṛdvāyurmedasārśobhirabhihṛt | chardighnā makṣikāviṭ tu vāmayenmakṣikaiva tu || sarvathā doṣajit takraṃ grahaṇyāṃ doṣakṛd vraṇe | pīnasaśvāsakāsādau siddhameva praśasyate || ityete'nye ca bahavaḥ sūkṣmā durlakṣahetukāḥ | dharmā vicitrā bhāveṣu kiñcitteṣāṃ nidarśitam | diśānayā śeṣamapi svayamūheta buddhimān | iti bhāveṣu vaicitryanirūpaṇam || atha pathyāpathyaśamanam | nārīkeraphale'tha taṇḍulamadha kṣīraṃ rasāle hitaṃ jambīrottharaso ghṛte samucitastarpistu mocāphale | godhūmeṣu ca karkaṭī hitatamā māṃsātyaye kāñjikaṃ nāraṅge guḍamakṣaṇaṃ ca nihiṃtaṃ piṇḍālukaṃ kodrave