Bhojanakutuhala 22.p1

Bhojanakutūhala 22.p1

Language: Sanskrit

22.p1

evaṃ bhuktvā samācāmed gaṇḍūṣagrahapūrvakam | bhojane dantalagnāni nirhṛtyācamanaṃ caret || dantāntaragataṃ cānnaṃ śodhanenāharecchanaiḥ | kuryādanirhṛtaṃ taddhi mukhasyāniṣṭagandhatām || dantalagnamanihāryaṃ lepaṃ manyeta dantavat | na tatra bahuśaḥ kuryādannanirharaṇaṃ prati || ācamya jalayuktābhyāṃ pāṇibhyāṃ cakṣuṣī spṛśet | bhuktvācamya smarennityamagastyādīn sukhāvahān || viṣṇuḥstā yathaivānnaṃ pariṇāmaśca vai yathā | satyena tena madbhuktaṃ jīryatvannamidaṃ tathā || agastiragnirbaḍavānalaśca bhuktaṃ mamānnaṃ jarayantvaśeṣam | sukhaṃ ca me tatpariṇāmasambhavaṃ yacchantvarogaṃ mama cāpi deham

Previous: 21.p81
Next: 22.p2
Up: 22

Linked texts (3)

Bhāvaprakāśa (another edition) — Sanskrit
Bṛhadyogataraṅgiṇī — Trimalla, Sanskrit
Caryācandrodaya — Dattarāma, Sanskrit