Bhojanakutuhala 23.p30

Bhojanakutūhala 23.p30

Language: Sanskrit

23.p30

svāduḥ suśīto madhuraśca pāke'pyarocakaṃ hanti ca jātikoṣaḥ | tāmbūlayogyaṃ kramukaṃ ca tajjñāḥ māsatrayādūrdhvamudāharanti || māse vyatīte tu bhavanti cūrṇānyatīva hṛdyāni manoharāṇi | tīkṣṇoṣṇaḥ pariṇāmaśītalataraḥ kaṇṭhapramehāpaho nānāsthānajalādhikakrimiharastṛddahapākaṃ jayet | śleṣmaghnaśca galagrahāpaharaṇaḥ saṃsuptajihvāgrajit karpūraḥ khalu divyasaurabhaguṇaḥ pītāśrayaḥ sphāṭikaḥ || galagrahe suptajihve lālāsrāve jalādhike | śleṣmamehakṛmīn hanti karpūraścāyuṣaḥ paraḥ || karpūraḥ kaphasambhedī tīkṣṇoṣṇaḥ śitalaḥ paraḥ | pramehahṛdvidāhaghno lakṣmīsaubhāgyavardhanaḥ

Previous: 23.p29
Next: 23.p31
Up: 23

Linked texts (2)

Āyurvedamahodadhi (Annapānavidhi section) — Suṣeṇa, Sanskrit
Annapānavidhi — Suṣeṇa, Sanskrit