Bhojanakutuhala 24.p6

24.p6

itthaṃ vimathya guṇapāṭhasudhāmburāśiṃ labdhvā parāmṛtarasaṃ surasaṃ ca tasmāt | nirmāya bhojanakutūhalamīśvarāṇāṃ toṣāya tena parituṣyatu śeṣaśāyī || saṃsevitā na guravastaravaśca dṛṣṭā yairna kṣitau janapadeṣu ca teṣu teṣu | bhaiṣajyatantramapi naiva kṛtaṃ svatantraṃ teṣāṃ kṛte'pi ca kṛtaṃ raghunāthanāmnā || anantadevānmanasā vidhāyāpyanantadevasya vidhāya sevām | yo'nantadevaḥ prathitaḥ pṛthivyāmanantadevaḥ paritoṣametu || iti śrīmadvidvadvṛndavandyapādāravindaśrīmadanantadevadayodayasya raghunāthaviduṣaḥ kṛtau bhojanakutūhale dravyaguṇāguṇakathanaṃ nāma prathamaḥ paricchedaḥ || bho ṣaṭpadāḥ kṛtadhiyaḥ śa‍ṛṇutāmalāṃ no <g vācaṃ</g vivicya vibhavāya ciraprasūtām | saṃsevayantu vimalaṃ kamalāntaraṅga<g menaṃ</g rasaṃ na rasituṃ prabhavantu bhekāḥ