Bhojanakutuhala 7.p15

Bhojanakutūhala 7.p15

Language: Sanskrit

7.p15

dāḷī saṃsthāpitā toye tato'pahṛtakañcukā | śilāyāṃ sādhu sampiṭā piṣṭikā kathitā budhaiḥ || māṣapiṣṭikayā pūrṇagarbho godhūmacūrṇataḥ | racitā roṭikā saiva proktā veḍhaṇikā budhaiḥ || tathā— godhūmacūrṇaghanaveṣṭitamāṣamudgapiṣṭaṃ supakvamiti veḍhaṇikāṃ vadanti | tāṃ bhakṣayedatibalaṃ labhate manuṣyastailena vātha sughṛtena sugandhinā vā || bhavedveḍhaṇikā balyā vṛṣyā rucyānilāpahā | uṣṇā santarpaṇī gurvī bṛṃhaṇī śukralā param || bhinnamūtramalā stanyamedaḥpittakaphapradā | gudakīlārditaśvāsapaktiśūlāni nāśayet

Previous: 7.p14
Next: 7.p16
Up: 7

Linked texts (2)

Bhāvaprakāśanighaṇṭu — Bhāvamiśra 1550, Sanskrit
Bhojanakutūhala — Raghunātha Miśra, Sanskrit