Bhojanakutuhala 8.p114

8.p114

ḍaṅgarī śītalā rūkṣā dāhapittāsradoṣajit | śoṣahṛttarpaṇī gauryā jāḍyahā mūtrarodhanut || tathā— bālaṃ ḍaṅgarikāphalaṃ sumadhuraṃ śītaṃ ca pittāpahaṃ tṛṣṇādāhanibarhaṇaṃ ca rucikṛt santarpaṇaṃ puṣṭidam | vīryonmeṣakaraṃ laghu pravaladaṃ bhrāntibhramidhvaṃsanaṃ pakvaṃ cetkurute tadeva madhuraṃ vṛddhāharakaṃ guru || devaḍāṃgare | vṛṣyaṃ dāhaśramaviśamanaṃ mūtravṛddhiṃ ca datte pittonmādāpaharaṇakaraṃ ṣaḍbhujaṃ vīryakāri | tiktaṃ bālye tadanu madhuraṃ kiñcidamlaṃ ca pāke niṣpakvaṃ cettadamṛtasamaṃ tarpaṇaṃ puṣṭidāyi || ṣaḍbhujākarkaṭī, mālave prasiddhā | karkaṭī madhurā śītā tiktā ca kaphapittajit | raktadoṣakarā pathyā mūtrarodhārtināśinī || kiñca— mūtrāvarodhaśamanaṃ bahumūtrakāri kṛcchrāśmarīpramathanaṃ vinihanti pittam | vāntighnamamlavahṛdāhivāri rucyaṃ śleṣmāpahaṃ laghu ca karkaṭikāphalaṃ syāt || kāṃkaḍī