Bhojanakutuhala 8.p220

8.p220

śūlājīrṇavibandhamāruta kaphaśvāsātimandāgnijit kāsārocakaśophakrāntidamitaṃ syānmātuluṅgaṃ sadā || tvak tiktā durjarā syāt krimikaphapavanadhvaṃsinī snigdhamuṣṇaṃ mūlaṃ pitta(prakopa)praśamanamakhilā rocakaghnaṃ ca gaukhyam | vātārtiṃ kaṇṭhadāhaṃ jaṭharagadaharaṃ kesaraṃ dīpyamamlaṃ bījaṃ tiktaṃ kaphārśaḥ śvayathuśamakaṃ bījapūrasya pathyam || māholuṅga | amlaḥ kaṭūṣṇo vanabījapūro ruciprado vātavināśanaśca | syādāmadoṣakrimināśakārī kaphāpahaḥ śvāsanisūdanaśca || vanamāholuṅga | madhukarkaṭī tu madhurā śiśirā dāhanāśinī | tridoṣaśamanī rucyā tṛṣṇā ca gurudurjarā || madhukākaḍī | nāraṅgaṃ madhuraṃ cāmlaṃ guruṣṇaṃ caiva rocanam | nāraṅga | vātāmaṃ snigdhaślakṣṇaṃ vṛṣyaṃ śramaharaṃ param | vātāma, uttare prasiddham | nimbūphalaṃ prathitamamlarasaṃ kaṭūṣṇaṃ gulmāmavātaharamagnivivṛddhikāri | cakṣuṣyametadatha kāsahṛdārtikaṇṭhavicchardihāri parikalpatīva rucyam || nimbū | jambīrasya phalaṃ rase'mlamadhuraṃ vātāpahaṃ pittakṛt pathyaṃ pācanarocanaṃ balakaraṃ vahnervidṛddhipradam