Bhojanakutuhala 8.p242

8.p242

todanaṃ laghu saṃgrāhi sāmloṣṇaṃ vahnipittakṛt | snigdhaṃ pakvaṃ tu madhuraṃ kaṣāyaṃ kaphavātajit || toraṇe | vijayā rohiṇī caiva pūtanā cāmṛtābhayā | jīvantī cetakī caiva nāmnā saptavidhā smṛtā || alābunābhirvijayā suvṛttā rohiṇī smṛtā | svalpatvak pūtanā jñeyā sthūlānyā sāmṛtā matā | pañcāṅgā cābhayā jñeyā jīvantī svarṇavarṇabhāk || tryasrā tu cetakī vidyādityāsāṃ rūpalakṣaṇam | vindhyādrau vijayā himācalabhavā syāccetakī pūtanā sindhau syādatha rohiṇī tu vijayā jātā pratiṣṭhānake 1 campāyāmamṛtābhayā ca janitā deśe surāṣṭrāhvaye jīvantīti harītakī nigaditā saptaprabhedā budhaiḥ || sarvaprayoge vijayā ca rohiṇī vraṇeṣu lepeṣu tu pūtanoditā | virecane syādamṛtā guṇādhikā jīvantikā syādiha jīrṇarogajit