Gaurikancalikatantra 10.326

10.326

atha dampatiprītijananam
brahmayaṣṭiṃ vacāṃ kuṣṭhaṃ madhunā saha peṣayet
aṅgalepācca vanitā nānyabharttāramicchati 318
rattikāle mahādevi śṛṇuṣva parvvatātmaje
nijaśukraṃ gṛhītvā tu vāmahaste nayetpumān
kāminīvāmacaraṇe lepayetsa striyāḥ priyaḥ 319
nīlotpalasamaṃ pūgaṃ pradadyāccāparājitām
yasyāṃ manobhivāñchā syādvaśaṃ yāti varāṅganā
hayamārakamaṃjiṣṭhāmālatīkusumāni ca
taṇḍulāṃśca priyaṃguñca peṣayedekayogataḥ
anena lepayelliṅgaṃ kāminīvaśakṛdbhavet 321
kapittharasakalhārapippalīmadhuyaṣṭikāḥ
madhunā ca samaṃ piṣṭvā lepanācca varāṃgayoḥ
dampatī prītimāyātaḥprāṇāntepina tadvyayaḥ 322
saindhavañca mahādevi pārāvatamalaṃ madhu
ebhistu liptaliṃgo hi kāminīvaśakṛdbhavet
dampatyoḥprītijanane nityaṃ lepo varāṃgayoḥ323
kuryādvaśīkṛtaṃ yakṣadhūpaiśca tilakastathā 324
atha jagadvaśīkaraṇam
gorocanā mahādevi ṛtuśoṇitabhāvitā
tatkṛtastilako yasya sa naro yaṃ nirīkṣate
tañca sarvaṃ vaśaṃ kuryānnātra kāryā vicāraṇā325
manaḥśilā tvekapalā sāgorocanakuṃkumā
ebhistu tilakaṃ kuryyāttena tasya vaśe jagat
sahadevī bhṛṃgarājaḥ śvetāparājitā vacaḥ
etaistu tilakaṃ kṛtvā trailokyaṃ vaśamānayet
oṃ hrīṃ samāseyaṃsaubhāgyaṃgauridehime