Rasarnava (Maheshvara) 20
Rasārṇava (Maheśvara) 20
- Language
- Sanskrit
Contents
- 20.382 — 1 part
20.1
vedhayet sapta lohāni lakṣāṃśena varānane
20.117
6 ||”
“atha raktasnuhīkalpaṃ vakṣyāmi surasundari !
snuhīkṣīreṇa śulbasya patralepaṃ tu kārayet
20.118
kṣīreṇa tāpayedbhūyaḥ saptavāraṃ varānane
āvarttitaṃ bhavedyāvajjāmbūnadasamaprabham
20.119
(athātastilatailena pācayecca dinatrayam
tathā śulbasya patrāṇi vedhyaṃ jāmbūnadaṃ bhavet || )
rasaṃ raktasnuhīkṣīraṃ kunaṭīṃ gandhakābhrakam
daradañcaiva lohāni sahasrāṃśena vedhayet
20.120
snuhīkṣīraṃ samādāya niśāddhaṃ hema cobhayam
kunaṭīṃ gandhacūrṇañca sarvvamekatra maddayet
20.121
anenaiva prakāreṇa niśāddhaṃ hema śodhayet
guṭikākṛtya tenaiva nāgaṃ vidhyati tatkṣaṇāt
20.122
”
“athātaḥ sthalapadminyā divyauṣadhyā vidhiṃ śṛṇu
20.113
padminīsadṛśī patraiḥ puṣpaipi ca tādṛśī
bhaṅge caiva bhavet kṣīraṃ raktavarṇaṃ suśobhanam
20.124
ākramya vāmapādena paśyedgaganamaṇḍalam
paśyecca tārakāyuktaṃ grahanakṣatramaṇḍalam
lakṣayojanato devi ! sā jñeyā sthalapadminī
20.125
tasyāḥ pañcāṅgamādāya haragaurīsamanvitam
manaḥśilātālayuktaṃ mākṣikeṇa samanvitam
20.126
mardayet saptarātraṃ tu tena śulvañca vedhayet
sahasrāṃśena deveśi ! viddhaṃ bhavati kāñcanam
20.127
tasyāḥ pañcāṅgamādāya pūrvoktavidhinā priye !
cārayeta sūtarājantu mūkamūṣāgataṃ dhamet
20.128
mriyate mūṣikāmadhye saṅkocena na saṃśayaḥ
tenaiva sarvvalohāni sahasrāṃśena vedhayet
20.129
”
“athātaḥ sampravakṣyāmi kumudinyā vidhi priye !
bhittvā kāśmīripāṣāṇe pūrṇimāẏāntu kārayet
20.130
tasyāḥ pañcāṅgamādāya bhāvayettu manaḥ śilām
kharpare dhārayitvā tu bhāvayettu punaḥ punaḥ
20.131
kharpare drāvitaṃ nāgaṃ tatkalkena yutaṃ kuru
kāśmīradravatulyaṃ hi jāyate kanakaṃ dhruvam
20.132
"citrakasya yathā grāhyaṃ kathayāmi samāsataḥ
20.133
citrakastrividho jñeyo raktaḥ kṛṣṇo rasāyane
śuklo vyādhipraśamane śreṣṭho madhyaḥ 1kanīyasaḥ
20.134
kṛṣṇaṃ raktaṃ sitaṃ vāpi hemante noddharedbudhaḥ
20.135
kṛṣṇacitrakamutpāṭya gobhirnā''ghrātamīśvari !
kṣīramadhyasthitaṃ kṣīraṃ kṛṣṇavarṇaṃ bhavet kṣaṇāt
20.136
tasya pañcāṅgacūrṇena pāradaṃ saha mardayet
dhamecca mūkamūṣāyāṃ khoṭo bhavati tatkṣaṇāt
20.137
raktāmbaradharo bhūtvā raktamālyānulepanaḥ
kṛṣṇapakṣe tu pañcamyāṃ raktaśālyodanena tu
baliṃ dattvā mahādevi ! raktacitrakamuddharet
20.138
raktacitrakacūrṇena vaṅgastāpaistribhistribhiḥ
sarvvadoṣavinirmuktaḥ stambhamāyāti tatkṣaṇāt
20.139
tanmūlaṃ sūtakaṃ cāmle kaṅguṇītailasecanāt
ekaviṃśativāreṇa śulvaṃ śuddhaṃ bhaviṣyati
20.140
raktacitrakabhallāta-tailaliptaṃ puṭena tu
candrārkapatraṃ deveśi ! jāyate hema śobhanam
20.141
nāginīkandasūtendraṃ raktacitrakasaṃyutam
patralepapramāṇena candrārkaṃ kāñcanaṃ bhavet
20.142
raktacitrakasaṃyukto raso'pi sarvvado bhavet
20.143
“jyotiṣmatītailavidhiṃ” vakṣyāmi śṛṇu pārvvati !
20.144
jyotiṣmatī nāma latā yā ca kāñcanasannibhā
vallīvitānabahulā hemavarṇaphalā śubhā
20.145
āṣāḍhapūrvapakṣe tu gṛhītvā bījamuttamam
tilavat kvāthayitvā tu hastaiḥ pādairathāpi vā
tasya tailaṃ samādāya kumbhe tāmramaye kṣipet
20.146
tāpayedbhūgataṃ kumbhaṃ kramādūrddhaṃ tuṣāgninā
ṣaṇmāse tu vyatikrānte sa ghaṭaḥ kāñcanaṃ bhavet
20.147
taṃ tu hemamayaṃ kṛtvā tailakākṣikamiśritam
prativāpe niṣiñcet tat hema tāmrasamaṃ bhavet
20.148
tathāca śatavedhi syāt — vidyāratnamanuttamam
20.149
"
"dagdhārohāṃ pravakṣyāmi rasabandhakarīṃ priye !
sparśavedhe tu sā jñeyā sarvvakāryyārthasādhinī
20.150
śastracchinnā mahādevi ! dagdhā vā pāvakena tu
prarohati kṣaṇāddivyā dagdhā chinnā mahauṣadhī
20.151
raktaṃ pītaṃ sitaṃ kṛṣṇaṃ tasyāḥ puṣpaṃ prajāyate
caṇakasyeva patrāṇi suprasūtāni lakṣayet
20.152
sā sthitā gomatītīre gaṅgāyāmarbude girau
ujjayinyā dakṣiṇato vanānteṣu ca dṛśyate
20.153
tasyāḥ kandarasaṃ divyaṃ kṛṣṇarājisamanvitam
tāmbūlena samaṃ samaṃ kṛtvā guṭikāṃ kārayedbudhaḥ
20.154
sarvveṣā meva lohānāṃ drutānāṃ vahnimadhyataḥ
sahasraṃ vedhayitvā tu kāñcanaṃ kurute kṣaṇāt
20.155
tathaiva mriyate sūtaḥ kāntahemābhrasaṃyutaḥ
kurute kāñcanaṃ divyaṃ devābharaṇabhūṣaṇam
20.156
"kaṭutumbīti vikhyātāṃ devi ! divyauṣadhīṃ śṛṇu
20.157
tasyā bījāni saṃgṛhya sūkṣmacūrṇāni kārayet
20.158
ekaviṃśativārāṃstu bhāvyaṃ dhātrīrasena tu
payasā sahitenaiva viśvabheṣajasaṃyutam
20.159
bījaṃ yantre vinikṣipya tailaṃ saṃgṛhya paṇḍitaḥ
rasaṃ mūrcchāyayettena cakramardena mardayet
20.160
gopittaṃ śikhipittañca kāṅkṣākāśīsasaṃyutam
tāratulyāni caitāni sarvveṣāṃ sūtakaḥ samaḥ
20.161
meṣaśṛṅga nidhātavyaṃ māsamekaṃ nirantaram
lohadaṇḍena saṃsiktaṃ sarvvalohāni vedhayet
20.162
gandhakaṃ lohadaṇḍena ekaviṃśatibhāvitam
yuktaṃ lohamanenaiva jambīrarasasaṃyutam
sabījaṃ sūtakopetam andhamūṣāniveśitam
bhūgataṃ māsamekantu tāraṃ kāñcanatāṃ nayet
20.163
dalasya bhāgamekaṃ tu tārapañcakameva ca
śulvasya pañcabhāgañca bījasyaikañca yojayet
20.164
ete dvādaśa bhāgāḥ syuḥ sarvvaṃ taddhārayet kṣitau
sthānasyāsya niṣekaṃ tu bhūdaṇḍena tu kārayet
20.165
pañcaviṃśaddinānte tu jāyate kanakottamam
20.166
”
“kṣīrakandavidhiṃ vakṣye sarvvasiddhikaraṃ param
caturvvarṇavidhaṃ tatra raktakandaḥ praśasyate
20.167
bhagnametacchravet kṣīraṃ raktavarṇaṃ suśobhanam
20.168
meghānāṃ tu ninādena sañjātairupaśobhitaiḥ
patraiḥ snuhīsamaiḥ snigdhaiḥ saptabhirhemasuprabhaiḥ
bandhanaṃ rasarājasya sarvvasattvavaśaṅkaram
20.169
tasya kṣīrantu saṅgṛhya tāraṃ nirvāpayedbudhaḥ
dhamedadhvāgninā caiva jāyate hema śobhanam
20.170
tintiṇīpatraniryāsairīṣattāmrarajoyutam
mardayeta pāradaṃ prājño rasabandho bhaviṣyati
20.71
toyamadhye vinikṣipya guṭikā vajravadbhavet
20.172
śākavṛkṣasya deveśi ! niṣpīḍya rasamuttamam
raktacandanasaṃyuktaṃ sarvalohāni jārayet
20.173
gandhapāṣāṇagandhena āyase viniyojayet
milanti sarvalohāni dravanti salilaṃ yathā
20.175
gandhakaṃ rasakaṃ tāpyaṃ pāradaṃ raktacandanam
rudantyā rasasaṃyuktaṃ tāramāyāti kāñcanam || 174||"
“śākavṛkṣasya niryāsaṃ patre tasya ca gālayet
śigrumūlasya cūrṇaṃ tu tadrasena vimardayet
20.176
pralipya śulvapatrāṇi puṭe kṣiptvā vipācayet
taddrutaṃ kāñcanaṃ divyaṃ bhavellakṣaṇasaṃyutam
20.177
phalāni śākavṛkṣasya paripakvāni saṅgṛhet
tadrasena yutaṃ prājñaḥ saptarātrantu bhāvayet
20.178
tadrasena samāyuktaṃ mañjiṣṭhāmiśritaṃ tathā
lepayettārapatrāṇi dhmātaṃ bhavati kāñcanam
20.179
”
"devadālyā mahauṣadhyā vidhiṃ vakṣyāmi tatparam
sā śvetā vyādhināśe ca kṛṣṇā pītā rasāyane
20.180
paurṇamāsyāṃ trayodaśyāṃ rāhugraste divākare
athavā kṛṣṇapañcamẏāmimāṃ vidhivaduddharet
20.181
devadālī phalaṃ devi ! viṣṇukrāntā ca sūtakam
mūrcchayedvandhayet kṣipraṃ śulvaṃ hema karoti ca
20.182
devadālī phalaṃ mūla-mīśvarīrasa eva ca
toyena mardditaṃ kṛtvā vaṅgaṃ stambhayati kṣaṇāt
20.183
"
ataḥ paraṃ pravakṣyāmi śvetaguñjāvidhiṃ priye !
20.184
kṛṣṇapakṣe caturddaśyāmaṣṭamyāṃ vā surārcite
kapāle mṛttikāṃ nyasya secayenna salilena tu
20.185
bījāni sitaguñjāyāḥ puṣpayogena vāpayet
vakṣyamāṇeṇa mantreṇa kuryyāt saṅgrahaṇaṃ tathā
20.186
oṃ namo bhagavati śvetavalli śvetaparvatavāsini
sarvvakāryāṇi kuru kuru apratihate namo namaḥ svāhā
anena manunā proktā siddhirbhavati nānyathā
ṣaṇmāsena tathā vallīṃ mantrapūtena rakṣayet
20.187
śuddhaśulavaṃ tu saṅgṛhya mūṣāmadhye tu saṃsthitam
tripañcapalasaṅkhyaṃ tu karṣāsrḍū sitaguṃjayā
20.188
sahaikatra bhavettāraṃ tasya gandhavivarjitam
brahmarītisamāyuktaṃ guñjācūrṇaṃ sahaikataḥ
devānāṃ bhūṣaṇaṃ devi ! jāyate hema śobhanam
20.189
ityauṣadhikriyā
oṃ namo bhagavati śveta valli······apratihate namo namaḥ svāhā
-: ityoṣadhi kriyā :"candrodakena deveśi ! vakṣyāmi rasabandhanam
20.190
śuklapakṣe pūrṇamāsyāṃ dṛṣṭvā pūrṇendumaṇḍalam
nirgacchanti mahīṃ bhittvā candratoyānyanekadhā
20.191
kānicinmṛttivarṇāhi rasena lavaṇāni tu
kāniciccandratulyāni vyomabhāsāni kānicit
candravṛddhyābhivarddheran kṣīyeran tatkṣayeṇa tu
20.192
dṛṣṭvā candrodakaṃ 1mantrī paurṇamāsyāṃ viśeṣataḥ
nirgacchati mahīṃ bhitvā candravṛddhyā vivarddhate
20.193
kṣetrabandhaṃ purā kṛtvā devamabhyarcya śaṅkaram !
caturdaśyāṃ ca tatkṣetraṃ pūjayitvā vicakṣaṇaḥ
ahorātroṣito bhūtvā baliṃ tatra nivedayet
20.194
pūrṇamāsyāṃ ca rātrau ca gatvā tasya samīpataḥ
candrodakaṃ tu saṅgṛhya mantrayuktaṃ sumantritam
āloḍya madhusarpirbhyāṃ pivettattu samāhitaḥ
20.195
pītamātreṇa tenaiva mūrcchā bhavati tatkṣaṇāt
candrodaye tato dṛṣṭe kṣīraṃ tasya tu dāpayet
saptarātraprayogeṇa candravannirmalo bhavet
20.196
ekaviṃśatirātreṇa jīvedbrahmadinatrayam
ekamāsaprayogeṇa brahmāyuḥ sa bhavennaraḥ
20.197
candrodakena gaganaṃ rasaṃ hema ca mardayet
mūṣāmadhyegataṃ dhmātaṃ tatkṣaṇādguṭikā bhavet
20.198
ayaṃ ca sparśamātreṇa lohānyaṣṭauca vedhayet
20.199
tadrasena rasaṃ bhāvyaṃ vajreṇa samajāritam
catuḥṣaṣṭhyaṃśataḥ piṇḍe dviguṇe tu sahasrakam
20.200
daśasaṅkhalikābaddhaṃ guñjāmātaṃ rasaṃ naraḥ
trilohaveṣṭitaṃ vaktre dhṛtvā cādṛśyatāṃ vrajet
20.201
oṃ namo rudrāya daṃṣṭrotkaṭāya vighnanāśāya diśāṃ rakṣa rakṣa vidiśāṃ
rakṣa rakṣa rudro vijñāpayati huṃ phaṭ svāhā
iti digbandhanamantraḥ
oṃ namo bhagavate rudrāya triśūlahastāya amṛtodbhavāya rakṣa rakṣa
huṃ phaṭ svāhā
iti pānamantraḥ
"athātaḥ sampravakṣyāmi karttarīrasabandhanam
20.202
asurāṇāṃ samāyoge krodhāviṣṭena cetasā
sudarśanaṃ mahācakraṃ preritaṃ muravairiṇā
20.203
bhālapaṭṭāttatastasya nipetuḥ svedavindavaḥ
te bhūmau patitā divyāḥ sañjātāḥ karttarīrasaḥ
20.204
rakṣārthaṃ sthāpitaṃ tatra viṣṇunā ca sudarśanam
cakratulyaṃ bhramatyetadāyudhāni nikṛntati
20.205
kurute garjitaṃ nādaṃ dhūmaṃ jvālāṃ vimuñcati
karttarī dṛṣṭimātreṇa tathānyā śabdakarttarī
20.206
sā sparśakarttarī chāyā karttarī dhūmakarttarī
sā jvālākarttarī caiva śaktirghorasya karttarī
20.207
lokānāṃ tu hitārthāya ghoraśaktirvyavasthitā
rasarūpā mahāghorā asiddhānāṃ tu chedinī
20.208
tasyāḥ kṣetraṃ yadā gacchet aghorāṣṭaṃ japettadā
punarghoraṃ nyasettatra athāstraṃ vinyasedbudhaḥ
20.20
anulomavilomena dehe'dhiṣṭhāpya karttarīm
mudrayā mudrayettāṃ tu aghorāṣṭreṇa yojitām
20.210
9
dīpenārādhayettāṃ tu stambhayeddhūpanena ca
viṣṭarā-mudrayā tāṃ tu sthānayogaṃ niyojayet
20.211
kañcukī tu śilā krāntā kumārī vajrakandakam
yoṣidraktaṃ gavāṃ mūtraṃ tilakaḥ sarvvavaśyakṛt
20.212
”
“athātaḥ saṃpravakṣyāmi viṣodakasabandhanam
20.213
viṣodakaṃ viṣasamaṃ ghṛtavacca ghṛtodakam
sitapītādivarṇāḍhyaṃ tacca devi ! rasottamam
20.214
tatra gatvā vanoddeśe smared ghorasahasrakam
keśāḥ kṣiptāḥ sphuṭantyasmin ātmanaśchāyā na dṛśyate
20.215
tailañca golakākāraṃ ghṛtañcaiva visarpati
gandhakasya haredgandhaṃ 1lavaṇo'mlañca jāyate
20.216
āptvā pālāśapatreṇa kaṭukālābuke kṣipet
viṣodakaṃ gandhakaṃ ca harabījañca tatsamam
20.217
ajākṣīreṇa viṣṭvā tu śulvapatrāṇi lepayet
tat puṭena ca deveśi ! sindūrāruṇasannibham
śatāṃśeneva deveśi ! sarvvalohāni vedhayet
20.218
anena vidhinā devi ! nāgaḥ sindūratāṃ vrajet
sahasrāṃśena tasyaivaṃ tāraṃ vedhaṃ pradāpayet
20.219
raktaṃ pītaṃ tathā kṛṣṇamuttarottarakāryyakṛt
20.220
tripalaṃ kāntapātre yā pātre'lābumaye'pi vā
gṛhītvā pūrvvavat patraiḥ pālāśairveṣṭayedbahiḥ
20.221
sthāpayeddhānyarāśau tu divasānekaviṃśatim
mahiṣī kṣīramadhye tu vindumekantu sādhayet
20.222
pāyasaṃ bhakṣayedyastu madhvājyena tu saṃyutam
yāvaccūrṇapalaṃ devi ! jīvettadvindusaṅkhyayā
20.223
lāṅgalī gṛhadhūmañca sindūraṃ rajanīdvayam
meṣaśṛṅgīṃ ca śṛṅgīṃ ca kṛṣṇonmattaṃ ca mārakam
sabījaṃ sūtakañcaiva viṣatoyena marditam
viṣatoyena medhāvī saptavārāṃśca bhāvayet
20.224
athavā bhāvayet tattu yāvaccūrṇaṃ tu tadbhavet
tena nāgaṃ pratīvāpya ṣoḍaśāṃśena saṃbhavet
20.225
mūṣākhye veṇuyantre ca trivāramapi bhāvayet
dhūmaṃ pariharettasya aṅgavyādhikaraṃ param
20.226
sthāpayennāgasindūraṃ pātre'lābumaye tataḥ
taccūrṇaṃ tu śatāṃśena tārapatrāṇi vedhayet
20.227
viṣapānīyamādāya yavāgau varttitaṃ śubham
niṣiktaṃ tacca varttai'yaṃ tāraṃ bhavati śobhanam
20.228
viṣapānīyamādāya prakṣipecca rasottame
kunaṭī-gandhapāṣāṇa-viṣaṭaṅkaṇa-lāṅgalī
naṣṭapiṣṭīkṛtaṃ khalle tārapatrāṇi lepayet
andhamūṣā gataṃ dhmātaṃ nirvaujaṃ kanakaṃ bhavet
20.229
oṃ śrīnīlakaṇṭhāya ṭhaṭhaḥ || asyāyutaṃ japet
iti viṣodakagrahaṇamantraḥ
“viṣatṛṇavidhiṃ vakṣye samāhitamanāḥ śṛṇu
20.230
gandhamākṣīkadaradaṃ kunaṭyā rasasaṃyutam
viṣatṛṇasamāyuktaṃ mātuluṅgāmlamarditam
20.231
etat kalkaṃ palamātraṃ cauṣadhyā lepanaṃ kuru
niryāse tu puṭaṃ kuryāttrivāraṃ hema śobhanam
20.232
”
“sañjīvanījalasyātha vidhiṃ vakṣyāmi pārvati !
20.233
śukreṇārādhito devi ! prāgahaṃ suravandite !
dānavānāṃ hitārthāya mṛtānāṃ devasaṅgare
20.234
mayā sañjīvanī vidyā dattā codakarūpiṇī
tayā sañjīvitā daityā ye mṛtā devasaṅgare
20.235
nikṣiptā martyaloke sā samyak te kathayāmyaham
20.236
asti martye mahāpuṇyā pavitrā dakṣiṇāpathe
nadī godāvarī nāma prasiddhā jāhnavī yathā
20.237
dakṣiṇe ca taṭe tasyāḥ kadalīnagaraṃ param
tasya dakṣiṇataḥ śailaḥ sarvvalokeṣu viśrutaḥ
20.238
nāmnā ‘kṛṣṇagiriśceti’ dṛśyate sarvvamaṅgale !
suprasiddhā'mbikā nāma grāmastasyāsti sannidhau
20.239
tatrāpyudakamālokya parīkṣyeta surārcite !
20.240
gṛhītvā śuṣkavaṃśaṃ tu kṣipettoyasya madhyataḥ
jāyate haritaṃ snigdhamahorātreṇa niścitam
muñcatyaṅkurapatrāṇi dṛśyate tanmanoharam
20.241
balipuṣpopahāreṇa tato devīṃ samarcayet
kṣetrādhipaṃ gaṇeśañca caṇḍayonīśvaraṃ tathā
20.242
tasya mantraṃ pravakṣyāmi triṣu lokeṣu durlabham
20.243
oṃ caṇḍāya pinākine śūlahastāya oṃ diśāṃ bandhaya vidiśāṃ
bandhaya ṭhaṭhaḥ
tilāṃśca taṇḍulāṃścaiva mantreṇānena sarṣapān
saptābhimantritānkṛtvā sādhako dikṣu nikṣipet
20.244
kaṭukālābuke toyaṃ kṛtarakṣaṃ samāhitaḥ
gṛhītvā tatprayatnena nijasthānaṃ samāśrayet
20.245
oṃ namo'mṛte'mṛtarūpiṇi amṛtaṃ me kuru kuru evaṃ rudra ājñāpayati svāhā
saptābhimantritaṃ kṛtvā mantreṇānena tajjalam
dinamekaṃ tathā sūtaṃ svarṇamāṣadvayānvitam
mardayettena toyena pibettattu vicakṣaṇaḥ
20.246
ekaviṃśatirātreṇa kṣīrāhāro'tha yatnataḥ
jīvet kalpāyutaṃ sāgraṃ kāmarūpo mahābalaḥ
20.247
yojanānāṃ śataṃ gatvā punareva nivarttate
avadhyaḥ sarvvabhūtānāṃ svecchācāraḥ sa khecaraḥ
20.248
kanakaṃ pāradaṃ vyoma samamekatra yojayet
mardayettena toyena saptavāraṃ tu svedayet
20.249
sa rasaḥ sarvvalohāni ṣaṣṭhyaṃśena tu vedhayet
20.250
athavā taṃ rasaṃ divyaṃ madhunā saha bhakṣayet
māsamātraprayogeṇa jīvedbrahmadināyutam
20.251
tasya mūtramalasvedaiḥ śulvaṃ bhavati kāñcanam
20.252
nirvāte toyamādāya añjalitritayaṃ pibet
pītamātre bhavenmūrcchā svāsthyaṃ syāt praharatrayāt
20.253
ekaviṃśaddinānyevaṃ kṣīrāhāro bhavettataḥ
aṣṭavarṣākṛtiḥ prājñaḥ kāmarūpo mahābalaḥ
20.254
paśyecchidrāṃ1 mahīṃ sarvvāṃ saptapātālasaṃyutām
avadhyo devadaityānāṃ kalpāyuśca prajāyate
20.255
athavodakamādāya pāradañca manaḥśilām
marddayet khallapāṣāṇe naṣṭapiṣṭaṃ bhavettataḥ
20.256
svedayet saptarātraṃ tu trilohena ca veṣṭayet
20.257
antarddhānaṃ kṣaṇādgacchet vidyādharapatirbhavet
siddhakanyāśatavṛto yāvat kalpān caturddaśa
20.258
dineṣu teṣu sarvveṣu dadyācchātyodanaṃ ghṛtam
payasā ca samāyuktaṃ nityamevaṃ tu kārayet
20.259
"uṣṇodakavidhi vakṣye samāhitamanāḥ śṛṇu !
paśyeduṣṇodakaṃ yatra vāsaṃ tatraiva kārayet
20.260
asti godāvarī nāma mahārāṣṭre'tiviśrutā
tasyā uttarabhāge tu sahyādriḥ puṇyaparvvataḥ
20.261
tatra mātāpuraṃ nāma prasiddhaṃ devatāgṛham
tasmāduttarato devi ! kampākhyaṃ nagaraṃ param
20.262
tatra kampeśvaro devastatrāstyuṣṇodakaṃ dhruvam
praṇītākhyā nadī tatra snātvā vai sādhakottamaḥ
paścāduṣṇodake kuṇḍe vidhiṃ kuryyādyathoditaḥ
20.263
śarvvarīmuṣitastatra dhanavāṃśca dine dine
bhakṣayenmāsamātraṃ tu jīvedvarṣaśatāṣṭakam
20.264
varṣamekaṃ prayuñjīta jīvedvarṣāyutaṃ sukhī
balīpalitanirmukto bhogī caiva purandaraḥ
20.265
varṣamekaṃ pivettoyaṃ jīveccandrārkatārakam
tasya mūtrapurīṣeṇa śulvaṃ bhavati kāñcanam
20.166-2
uṣṇodakañca kāsīsaṃ gandhapāṣāṇasaṃyutam
caturthāṃśena rasakaṃ daśabhāgaṃ vinikṣipet
20.267
śulvañca mardayet sarvaṃ naṣṭapiṣṭaṃ kṣaṇena tu
tena lepitamātreṇa śulvaṃ bhavati kāñcanam
20.268
niṣiktaṃ tena toyena prativāpaṃ dadedbudhaḥ
śulvañca jāyate hema taruṇādityavarcasam
20.269
tajjalena niṣiktañca hema vījārthasaṃyutam
tāraṃ cānena mārgeṇa niṣiktaṃ hematāṃ vrajet
20.270
uṣṇodakena bhallātaṃ tilapiṣṭaṃ ca bhakṣayet
māsadvaya prayogeṇa jīvedvarṣaśatatrayam
20.271
rasagandhāśmarasakaṃ tutthaṃ daradamākṣikam
yāmamuṣṇāmbhasā ghṛṣṭaṃ tārapatrāṇi lepayet
20.272
dvivāraṃ tu dhameddevi ! syāccaturdaśavarṇakam
krameṇānena deveśi ! śulvaṃ ṣoḍaśavarṇakam
20.273
ekaikaṃ hematārāṃśaṃ dvandvaṃ kāntābhrayoḥ pṛthak
uṣṇodakena sammarcya dhamanāt khoṭatāṃ vrajet
20.274
tanmukhe dhārayenmāsaṃ vajrakāyo bhavennaraḥ
taccūrṇaṃ yavamātraṃ tu bhakṣayenmadhusarpiṣā
yāvat palaṃ tasya malaiḥ śulvaṃ bhavati kāñcanam
20.275
uṣṇodapācitān khādet kulatthān kṣīrapo bhavet
snānamuṣṇāmbhasā kuryāt varṣādvarṣaśatāyuṣam
20.276
kṣīramuṣṇodakaṃ kvāthaṃ triphalāyāśca pācayet
pāyasaṃ kāntapātre tanmāsamekantu bhakṣayet
bhuktvā jīvet kalpaśataṃ vaiṣṇavāyurbhavennaraḥ
20.277
"ataḥ paraṃ pravakṣyāmi śailodakavidhi priye !
karddamāpo mahīśailaṃ śilañceti caturvidham
20.278
kānicit kṣaṇavedhīni dinavedhīni kānicit
pakṣamāsādiṣaṇmāsa-vedhanāni mahītale
20.279
kṣiptaṃ yadā bhavet kāṣṭhaṃ śailībhūtaṃ ca dṛśyate
bahirantaśca deveśi ! vedhakaṃ tat prakīrttitam
20.280
hiṅgulaṃ haritālañca gandhakañca manaḥśilā
eṣāṃ gandhāpahāraṃ yat kurute tacca vedhakam
20.281
gandhakaṃ tālakañcaiva toyapūrṇe ghaṭe kṣipet
yadā tadbudbudākāraṃ tadā śailodakaṃ bhavet
anyathā veṣṭakaṃ devi ! tadagrāhyaṃ nirarthakam
20.282
śrīśaile śrīvanaprānte paryyaṅkākhye śilātale
tatrasthaṃ kṣaṇavedhi syāt nadībhagavatītaṭe
aikāhne vedhakaṃ tatra gokarṇa tu dinatrayam
20.283
bhadrāṅge dinavedhi syāt tristhalānte trivāsaram
dhāreśvare pākṣikaṃ syāt varṣāpuyyāṃ dinekṛtaḥ
20.284
brahmaśvare māsikaṃ syāt vyāghrapuyyām̐ntu vāsaram
adhāraśe māsikaṃ tu siṃhadvīpe tathā punaḥ
dinamekaṃ brahmagirau vindhye tu kṣaṇavedhakam
20.285
vāsaraṃ mālyavanteṣu kṣaṇavedhi śilodakam
20.286
kiṣkindhayā parvvate ramye pampātīre tṛṇodakam
tasya paścamato devi ! yojanadvitaye punaḥ
bhūśailamasti tatraiva tridinaṃ vedhi parvvate
20.287
sahyācale pure dehyāḥ kṣorakṣetrasya sannidhau
śailodakaṃ koṭavedhi durjanadeśe'pi vāsaram
lakṣavedhi nṛsiṃhasya nagare gokulābhidhe
20.288
anyatra yatra kutrāpi brahmaviṣṇuśivodbhavam
amṛtaṃ tatra kutrāpi vajrīkaraṇamuttamam
20.289
tasyotpatti pravakṣyāmi yathā jānanti sādhakāḥ
20.290
mahīṃ samuddhatavato varāhasya kalevarāt
yaḥ svedaḥ patitastasmājjātaṃ śailodakaṃ param
20.291
tanmukhe kṣaṇikaṃ jātaṃ kroḍadeśe tu vāsaram
bāhubhyāṃ tryahavedhi syāt māsavedhi tu pārśvayoḥ
ṣaṇmāsamaparāṅge ca sarvvaṃ samaphalaṃ bhavet
20.292
aghorāstreṇa tatkṣetra rakṣāṃ kṛtvā diśāṃ balim
dattvā lakṣaṃ japitvā tu gṛhṇīyādamṛtaṃ param
20.293
śaradgrīṣmavasanteṣu hemante vā surārcite !
āyase tāmrapātre vā pātre'lāvumaye'thavā
śailāmbupalamaṣṭau tu palaṃ kṣīrasya nikṣipet
20.294
kṣīrāvaśeṣaṃ saṅkkāthya trisaptāhaṃ pibennaraḥ
jīvedvarṣasahasraṃ tu balīpalitavarjitaḥ
20.295
athavāṣṭapalaṃ kṣīraṃ palaikenāmbunā yutam
kṣīrāvaśeṣaṃ seveta pūrvoktaṃ labhate phalam
20.296
kulatthāṣṭaguṇaṃ vāri pacedaṣṭāvaśeṣitam
caturguṇena tenājyaṃ pācayedghṛtaśeṣitam
20.297
lihyānmadhusamopetaṃ trisaptāhaṃ vṛhaspatiḥ
māsena śāstrasampatti jñātvā devi ! balābalām
dviraṣṭavarṣakākāraḥ sahasrāyurna saṃśayaḥ
20.298
avaśiṣṭakulatthaṃ tu pādāṃśaṃ madhusarpiṣā
bhakṣayedvarṣa mekantu māsenāyutajīvataḥ
20.299
tatsiddhatailenābhyaṅgaṃ marddanañcāpi kārayet
māsamekaṃ tato martya dehasiddhiṃ karoti ca
20.300
pāmāvicarcikādadru kuṣṭhāni sahasā jayet
balīpalitanirmuktaḥ sahasrāyuśca jāyate
20.301
yaḥ pibet prātarutthāya śailāmbuculukaḥ trayam
ṣaṇmāsāt syāt sahasrāyurbalīpalitavarjitaḥ
20.302
athavā sūtakaṃ devi ! vāriṇā saha mardayet
māsenaikena deveśi ! naṣṭapiṣṭaṃ bhaviṣyati
20.303
māsamātraṃ samaśnīyāt sa bhavedajarāmaraḥ
20.304
athavā taṃ rasaṃ hemnā hemabhasma tato balī
mardayettena toyena dhāmayet khadirāgninā
20.305
guṭikā sundarī nāma sarvvāyudhivāraṇī
kartā harttā svayaṃ siddho jīveccandrārkatārakam
20.306
kunaṭī cābhramākṣīkaṃ hema tāraṃ tathaiva ca
tat sarvvaṃ payasā kṣīremadyaṃ pācyaṃ dinatrayam
māsamātraprayogeṇa balīpalitavarjitaḥ
20.307
atha tenodakenaiva kṣīrāddhaṃ pāyasaṃ pacet
māsamātraprayogeṇa balīpalitanāśanam
20.308
paktvā tenāmbhasā pathyāḥ ṣaṣṭiṃ trīṇi śatāni ca
madhu saṃyojya bhāṇḍasthaṃ bhūmau sarvvaṃ nidhāpayet
20.309
dine dine tathaikaikāṃ bhakṣayet prātarutthitaḥ
balīpalitanirmukto jīvedvarṣasahasrakam
20.310
śailābhūtaṃ kulatthaṃ vā bhakṣayenmadhusarpiṣā
ṣaṇmāsena prāśanena jīvedvarṣasahasrakam
20.311
kūṣmāṇḍaṃ māritaṃ kṛtvā yāni kāni phalāni ca
jale kṣiptāni lohāni śailobhūtāni bhakṣayet
kṣīrāhāraśca jīrṇānte vajrakāyo bhavennaraḥ
20.312
tenodakena saṃmardya abhrakaṃ kvāthayet priye !
kaṭutrayayutaṃ khādet jīvedvarṣasahasrakam
20.313
athavā rasakarṣaikaṃ tajjalena tu mardayet
iṅgudīphalamadhyasthaṃ tacchailodakamadhyagam
kālena triguṇenaiva kāṭhinyaṃ tasya jāyate
20.314
ṣaṇmāsaṃ tanmukhe dhāryaṃ vajrakāyaṃ karoti ca
daśanāgasamaprāṇo devaiḥ saha ca modate
20.315
gṛhītvā triphalāṃ tatra śailavāriṇi nikṣipet
yadā bhavati tacchailaṃ gṛhītvā cūrṇayettataḥ
20.416
kāntajīrṇīrasaṃ tena sārddhaṃ ghṛtamadhuplutam
bhakṣayedvarṣamekantu tataḥ kṣīrāśano bhavet
First 200 of 268 passages. Read on
Linked texts (6)
- Rasārṇava — Sanskrit
- Ānandakanda — Sanskrit
- Rasaratnasamuccaya — Vāgbhaṭa (alchemist), Sanskrit
- Kākacaṇḍīśvarakalpatantra — Kākacaṇḍīśvara, Sanskrit
- Kākacaṇḍī — Sanskrit
- Rasārṇavakalpa — Sanskrit