Ashtangahridayasamhita 1.2.128.1
Sarvāṅgasundarā 1.2.128.1
- Language
- Sanskrit
1.2.128.1
caityo- viśiṣṭadevatādhiṣṭhito lokaprasiddho vṛkṣaviśeṣaḥ, buddhālaya ityanye| pūjyo- gurupitrādiḥ| dhvajaścihnam| aśastāścaṇḍālādayaḥ, aśastamamaṅgalyaṃ vastu ityanye| eṣāṃ chāyām| tathā, bhasma-bhūtiḥ| tuṣo- dhānyāditvak| aśucirviṭ, yadvā ucchiṣṭaṃ vastu| tadetannākrāmet| śarkarā- sūkṣmapāṣāṇākṛtirmṛtkhaṇḍikā| tathā, loṣṭaṃ- mṛtpiṇḍādikhaṇḍaḥ| balirdevatādyarcanam| snānaṃ prasiddham| baliśca snānaṃ ca balisnāne, tayorbhuvau balisnānabhuvau| śarkarā ca loṣṭaṃ ca balisnānabhuvau ca tā nākrāmet|
Linked texts (1)
- Aṣṭāṅgahṛdayasaṃhitā — Vāgbhaṭa, Sanskrit