Ashtangahridayasamhita 1.3.29.1

Sarvāṅgasundarā 1.3.29.1

Language: Sanskrit

1.3.29.1

ūrū ca stanau ca śroṇiśca ūrustanaśroṇi| pīvaraṃ- pīnaṃ, ūrustanaśroṇi yāsāṃ tā evambhūtāḥ, pramadāḥ- vilāsinyaḥ, śītaṃ haranti- nudanti| pīnatvenātikārśyamatra niṣidhyate| tathā cāha grāmyadharmādhikāre (hṛ.sū.a.7/69)- "tyajedatikṛśām" iti| kimbhūtāḥ ? saha madena- yauvanodbhūtena surādipānajena kāmodrekakāriṇā vā, vartante tāḥ samadāḥ| tathā, priyāḥ- vallabhāḥ, śītaṃ haranti| kimbhūtāḥ ? uṣṇāṅgyo dhūpakuṅkumayauvanaiḥ- agurvādidhūpenoṣṇāṅgyaḥ, tathā kuṅkumānulepanenoṣṇāṅgyaḥ, tathā yauvanoṣmaṇā, sahajenoṣṇāṅgya iti yojyam|

Previous: 1.3.26.1
Next: 1.3.32.1
Up: 1.3.29

Linked texts (1)

Aṣṭāṅgahṛdayasaṃhitā — Vāgbhaṭa, Sanskrit