Ashtangahridayasamhita 1.4.71.1

Sarvāṅgasundarā 1.4.71.1

Language: Sanskrit

1.4.71.1

sarve+api rogā jāyante na kevalaṃ pūrvoktā eva| vegānāṃ-purīṣādisambandhināṃ, yānyudīraṇāni-anāgatānāṃ pravartanāni, taiḥ| tathā, teṣāmevāgatānāṃ yāni vidhāraṇānianutsargalakṣaṇāni, taiḥ| atreyaṃ yuktiḥ-vegodīraṇadhāraṇaṃ nāma vāyoḥ karma, tasya kriyāvattvāt| tena ca vegodīraṇadhāraṇalakṣaṇena svakarmaṇā sa eva vāyuḥ kopyate| sa kupitaḥ sarvāneva vikārān janayati| tathā coktam (hṛ. sū. a. 19/85)- "śākhāgatāḥ koṣṭhagatāśca rogā marmordhvasarvāvayavāṅgajāśca| ye santi teṣāṃ na tu kaścidanyo vāyoḥ paraṃ janmani heturasti|| viṭśleṣmapittādimaloccayānāṃ vikṣepasaṃhārakaraḥ sa yasmāt" iti|

Previous: 1.4.68.1
Next: 1.4.74.1
Up: 1.4.71

Linked texts (1)

Aṣṭāṅgahṛdayasaṃhitā — Vāgbhaṭa, Sanskrit