Ashtangahridayasamhita 1.6.230.1

Sarvāṅgasundarā 1.6.230.1

Language: Sanskrit

1.6.230.1

mṛtaṃ-svayaṃ mṛtaṃ na bhajet, avijñātasvarūpeṇa vyādhināmṛtasya prāṇino yanmāṃsaṃ tattyajedityarthaḥ| kṛśaṃ-durbalaṃ na bhajet| tathā, bhṛśaṃ medyaṃ-atimeduraṃ māsaṃ tyajet| tathā, vyādhinā-vijñātasvarūpeṇa hatasya, vāriṇā viṣeṇa ca hatasya, nirjīvīkṛtasya, yanmāṃsaṃ tattyajet| saṅgrahe tu (sū,a.7) haṃsādīnāṃ viśeṣā uktāḥ| yathā-"haṃsaḥ svarakaraḥ pittaraktajinmadhuro himaḥ| kulīraḥ paramaṃ vṛṣyo bṛṃhaṇaḥ prīṇano guruḥ|| godhā niyacchati viṣaṃ mūṣakaḥ śukravardhanaḥ| guruṇyaṇḍāni bālānāṃ kaṣāyamadhuraṃ palam|| vṛddhānāṃ snāyubhūyiṣṭhamabalyaṃ guru doṣalam|" iti|

Previous: 1.6.227.1
Next: 1.6.233.1
Up: 1.6.230

Linked texts (1)

Aṣṭāṅgahṛdayasaṃhitā — Vāgbhaṭa, Sanskrit