Ashtangahridayasamhita 1.6.308.1

Sarvāṅgasundarā 1.6.308.1

Language: Sanskrit

1.6.308.1

tumbaṃ-alābusaṃjñaṃ rūkṣataram| ervārukādyapi rūkṣam, tumbaṃ tvatiśayenetyarthaḥ| tathā, grāhi| pūrvāṇi tu sāmānyaguṇoktyā bhedīnyeva| carakamunimatānusāriṇastvevaṃ vyācakṣate,-tumbaṃ rūkṣataram, kāliṅgairvārucirbhaṭaṃ grāhīti| kāliṅgaṃ- karcaram| ervāruḥ-karkaṭikā| cirbhaṭaṃ-ḍaṅgaram, mālaveṣu prasiddham, atiprasiddhaṃ jālandharādiṣu| etacca bālaṃ-asampūrṇarasādi, pittaharaṃ śītavīryaṃ ca| ato-bālādviparītam, pakvaṃ pittakaramuṣṇavīryaṃ cetyarthaḥ| suśrutenoktam (sū.a.46|218)-" nīlaṃ yattrapusaṃ bālaṃ vṛṣyaṃ pittaharaṃ matam| tatpāṇḍu kaphakṛjjīrṇamamlaṃ pittakaraṃ smṛtam||" iti|

Previous: 1.6.305.1
Next: 1.6.311.1
Up: 1.6.308

Linked texts (1)

Aṣṭāṅgahṛdayasaṃhitā — Vāgbhaṭa, Sanskrit