Ashtangahridayasamhita 1.6.51.1

Sarvāṅgasundarā 1.6.51.1

Language: Sanskrit

1.6.51.1

atha śimbidhānyavargaḥ| tatra mudgādiguṇānāhamudgāḍhakīti| mudgo dvididhaḥ,-kṣetramudgo vanamudgaśca| āḍhakītuvarī| masūro dvividhaḥ,- kṛṣṇaḥ pāṇḍuśca| tatra pāṇḍuḥ-maṅgalyākhyaḥ| ādiśabdātsaṅgrahoktāḥ (sū. a. 7)- "śimbijā mudgamāṅgalyavanamudgamakuṣṭhakāḥ| masūracavalāḍhakyaścaṇakāśca pṛthagvidhāḥ||" iti| śimbibhavaṃ dhānyaṃ-śimbidhānyam| vibandhakṛt-vātāvarodhakam| saṅgrāhi-malāvarodhakam| lepopasekayoḥ prayuktaṃ medaḥprabhṛtiṣu hitam| upaseko-vyañjanam, yena miśrīkṛtyaudanādi bhujyate| sa cātra yogyatvātsūpaḥ| uktaṃ ca carakeṇa (sū. a. 27/27)- "pittaśleṣmaṇi śasyante sūpeṣvālepaneṣu ca|" iti|

Previous: 1.6.50.1
Next: 1.6.53.1
Up: 1.6.51

Linked texts (1)

Aṣṭāṅgahṛdayasaṃhitā — Vāgbhaṭa, Sanskrit