Ashtangasamgraha 16.112

16.112

tathā''hārasya kalpanāyāṃ ye hetavaḥ svabhāvasaṃskāramātrādayastān viśeṣeṇa samīkṣya hitamadanīyādyāyuṣkāmaḥ | yato deha āhārasambhavaḥ | tathā bhīlajjādīnāṃ vaśaṃ gato vegānmūtrādīnna kadāciddhārayet | etaduktaṃ bhavati | bhīlajjādīnāṃ vegadhāraṇehetūnāṃ vaśaṃ gatvā vegānna dhārayet | taddhi vegadhāraṇaṃ sarvāsāmāpadāmaspadaṃ sthānam | hiśabdo yasmādarthe | ityanantaroktena prakāreṇa hitamabhyasyataḥ puruṣasyākāle balādīnāṃ kāladaṃṣṭrayā parāmarśo na jāyate sākāladaṃṣṭrā na bādhata ityarthaḥ | nanu hitopacāraparasyāpi rogādyabhibhavo dṛṣṭaḥ sa kathamityucyate | ahitāni parijñāyamānāni tyaktvā daivādyadi puruṣo doṣamāpnuyāt tathāpyātmavāniti sādhūnāmavṛṇo bhavati | yacca daivakāraṇaṃ rogāṇāṃ samutthānaṃ tatprāpya manīṣiṇā paṇḍitena na śocayitavyaṃ aparihāryatvāt | kiñcididamucyate | ye hitamāhāraṃ vihāraṃ ca sevante matāṃ mātṛnāmācāraṃ śīlaṃ ca sevante ayaṃ lokaḥ paralokaścaivaṃ bhavatiīti ye budhdyā kalpayanti neṣāṃ jīvitamevāmṛtatvamācarati hitatvāt |