Ashtangasamgraha 29.9

29.9

ete ca vyādhayo na vinā''śrayaviśeṣeṇa bhavantī tyata ucyate | traya ityādi | eṣāṃ rogāṇāṃ bāhyādayaḥ trayo mārgāḥ | cakāraḥ prasaktavaktavyasamuccaye | tatra raktādayaḥ ṣaṭ dhātavaḥ tvak ca bāhyo rogamārgaḥ sa ca śākhāśabdavācyaḥ tadāśrayā bāhyāśrayā gaṇḍādayaḥ tathā ye śophādayaḥ sveṣvadhyāyeṣu bahirbhāgā uktāḥ te'pi bāhyāśrayāḥ | mūrddhādīni marmāṇyāsthisandhayo'sthisandhyāśrayāśca snāyyādayo madhyo rogamārgaḥ | tadāśrayāḥ pakṣavadhādayaḥ | ābhyantaraparyāyā mahāsrotaḥ ādayaḥ paḍetacca paryāyairgatāthai tadāśrayā jvarādayaḥ antarbhāgāśca śophādayaḥ tadāśrayāḥ koṣṭhāśrayā iti yāvat |